Þessi uppskrift kemur upphaflega frá Sollu, eins og margar aðrar góðar uppskriftir. Þessi ís er í algeru uppáhaldi á heimilinu og oft gerður fyrir helgar.
- 150 gr Cashew hnétur (einn Sollu-poki)
- 6 dl vökvi (kókosmjólk og hrísmjólk)
- 2 kúfaðar msk kókosolía
- 0,5 dl agave (smakkið til, ef ykkur finnst hann ekki nógu sætur setjið þá bara aðeins meira)
- 4-5 msk kakó
- Smá vanilla (þarf ekki en gerir voða gott bragð)
Aðferð:
Látið Cashewhnéturnar liggja í bleyti í ca 4 tíma, hellið af þeim vatninu og setjið í blandara ásamt kókosmjólkinni. Ég mæli með að kaupa litla bleika fernu frá Santa Maria (fæst í Bónus) því hún er (að mínu mati) margfalt bragðbetri en þær sem eru í dósunum.
Þegar Cashewhnéturnar eru orðnar alveg mjúkar bætið þá restinni saman við.
Hellið í mót og inn í frysti. Ég set hann oftast í lítil íspinnabox. Ef þið setjið hann í venjulegt ísbox borgar sig að hræra reglulega í honum fyrstu klukkutímana og einnig að taka hann út með dágóðum fyrirvara. Allra best er auðvitað að setja hann í ísvél 🙂
[…] t.d. kasjúhnetum, kókosmjólk, berjum, banana ofl. Hér á bæ gerum við oftast jarðaberjaís, súkkulaðiís, mangóís, bláberjaís ofl. Svo er líka hægt að kaupa mjólkurlausa ís í Krónunni, Hagkaup, […]