Snickerskaka

Þessi kaka er alveg dáááááásamleg. Segi ekki meira 🙂  Hún virkar kannski eitthvað flókin en ég myndi segja svona max 20 mínútur í undirbúning.  Fyrirmyndin af þessari köku er uppskrift frá Heilsuhúsinu en ég er búin að gera þónokkrar breytingar og birti hér mína útgáfu.

Botn:

• 1 bolli döðlur
• 1 bolli kókosmjöl
• 1/2 bolli möndlur
• 1/2 bolli pecan hnetur

Millilag:

• 2 dl hnetusmjör (án sykurs)
• 2 msk kókosolía
• 2 msk hlynsýróp

Ofan á:

• 6 msk kakó
• 6 msk hlynsýóp
• 6 msk kakósmjör
• 6 msk kókosolía
• 3 msk jarðhnetur

Aðferð:

1. Leggjið dölurnar í bleyti í smástund og maukið svo með töfrasprota.
2. Malið hneturnar og möndlurnar og blandið saman við döðlurnar ásamt kókosmjölinu.
3. Setjið botninn í kökumót (fínt að nota bökunarpappír í botninn).
4. Blandið vel saman hnetusmjöri, kókosolíu og hlynsýrópi  og dreifið ofan á botninn og kælið.
5. Bræðið kakósmjörið við mjög lágan hita og blandið öllu saman, bætið jarðhnetunum út í súkkulaðið og hellið yfir kökuna.
6. Kælið í ca. 30 mín og njótið 🙂

Það er líka sniðugt að skera hana í litla bita og hafa sem nammi. 

Það eru örugglega margir sem fara að spá hvað sé mikið af hitaeiningum í svona köku en það flotta er að maður er pakksaddur eftir eina sneið svo magnið verður aldrei mikið!

Verði ykkur að góðu og eigið góðan sunnudag 🙂