Flestar hrákökur innihalda hnetur en hér er hún komin, hnetulausa hrákakan. Hún er bráðholl og hrikalega góð. Mágkona mín sem býr í Noregi er með hnetuofnæmi en þegar hún kom í heimsókn í vor langaði mig að gera hráköku en allar uppskriftir sem ég átti voru með hnetum svo þá voru góð ráð dýr. Niðurstaðan kom öllum á óvart og ég er búin að gera þessa köku reglulega síðan.
Hráefni:
- 1 bolli Döðlur
- 1//2 bolli Hampfræ
- 1/2 bolli Graskersfræ
- 1/2 bolli Kakó
- 1 bolli kókosmjöl
- 1 msk Kókosolía (má sleppa)
- 1 msk hlynsýróp (má sleppa)
Krem:
- 5 msk hlynsýróp
- 5 msk kókosolía (við stofuhita)
- 5 msk kakó
- örlítið salt og vanilla
Aðferð án matvinnsluvélar:
- Leggjið döðlurnar í bleyti í smástund og maukið svo með töfrasprota.
- Malið graskersfræin.
- Blandið öllu saman.
- Setjið í mót og inn í ísskáp.
Aðferð með matvinnsluvél:
- Leggjið döðlurnar í bleyti í smá stund.
- Malið graskersfræin í matvinnsluvélinni.
- Bætið öllum þurrefnunum útí og blandið vel saman.
- Setjið eina og eina döðlu út í í einu.
- Setjið að lokum olíuna og sýrópið út í.
- Setjið í mót og inn í ísskáp.
Kremið:
- Blandið öllu saman og smyrjið ofan á kökuna.
- Skreytið með berjum, kókos eða öðrum ávöxtum og njótið í botn 🙂
Góða helgi 🙂
Frábært að finna þessa… ég hélt að dagar hrákökunar væru alveg á enda hjá mér vegna nýtilkomins hnetuofnæmis 🙂
Engin ástæða til þess, bara að nota fræ í staðinn 🙂 Ég skal reyna að finna fleiri hnetulausar uppskriftir, elska að prufa nýjar hrákökur 🙂
Takk fyrir að fylgjast með 🙂
Kveðja,
Oddrún