Vikumatseðill 1.vikan í febrúar

Jæja, eins og glöggir lesendur hafa tekið eftir er Sparnaðaráskorun febrúar komin í gang hjá frúnni og þess vegna er ég svona súper skipulögð og búin að gera vikumatseðil fyrir fyrstu vikuna.

Mánudagur:  Ég reyni yfirleitt að hafa grænmetisrétt á mánudögum (undir áhrifum meatless monday í Ameríkunni).  Hnetubuff ásamt soðnu kínóa og apríkósuchutney (af því að ég á það síðan í síðustu viku)  …veit ekki alveg hvort allir í fjölskyldunni verði hamingjusamir en það kemur í ljós.  Spurning að bjóða upp á að setja buffin í brauð og búa til Sollu-kokteilsósu (Sollu-mæjónes og Sollu-tómatsósa ásamt smá paprikukryddi) með fyrir yngri kynslóðina svo kvartkórinn verði ekki of hár 😉

hnetubuff

Þriðjudagur: þriðjudagar eru orðnir hálfgerðir eggjadagar… það hefur bara þróast þannig,  ýmist ommiletta eða spæld egg.  Það er mjög vinsælt að skera niður langsum gúrku, papriku og gulrætur og borða með eða jafnvel nota kálblöð og rúlla utan um eggin.

IMG_2947

Miðvikudagur: þar sem það þarf að skutla einni dömu í dans og annarri í fimleika á miðvikudögum er ekki í boði að vera með flókna eldamennsku.  Grjónagrautur og lifrapylsa er á planinu.  Lifrapylsan telst nú sennilega seint vera mikil hollusta en börnin elska hana og grjónagrauturinn er búin til úr hýðishrísgrjónum og heimatilbúnni möndlumjólk.  Ég ætla að njóta þess að fá mér afgang frá mánudeginum og svo kannski smá grjónagraut í eftirmat 😉

IMG_3578

Fimmtudagur: fimmtudagar eru súpudagar, oft naglasúpa þar sem hreinsað er úr grænmetisskúffunni fyrir helgina.  Stundum á ég í frysti fisk, lambakjöt eða kjúkling til að gera hana aðeins matarmeiri.  Stefnan er sett á stafasúpu í þessari viku og planið að baka brauðbollur með henni og svo er voða vinsælt að sjóða egg og setja út í.

stafasúpa

Föstudagur: föstudagar eru fjölskyldukvöld, undantekningarlaust eitthvað gott í matinn og bíókvöld með gríslingunum.  Þar sem vikan er frekar létt er yfirleitt komin tími á kjötmeti að mati fjölskyldunnar.  Mexíkómatur er alltaf vinsæll, hakk, tortillur eða skeljar eða jafnvel bara nota sallatblað til að vefja, fullt fullt af grænmeti, guatamole, heimatilbúið salsa ofl.   Ég geri það stundum að sleppa hakkinu en krydda svartar baunir eða aduki baunir eins og hakkið og að mínu mati kemur það algerlega í staðinn fyrir kjötið (ef þið viljið draga úr því) eða blanda því saman 😉   Ég hvet ykkur til að skoða innihaldslýsingar á tilbúnum tacokryddum því þau innihalda oft bæði mikinn sykur og msg.  Það er miklu auðveldara að krydda sjálfur hakkið með góðum og hreinum kryddum, t.d. papriku, cumin og cajun bbq kryddið frá Pottagöldrum er rosalega gott.

IMG_2953

Laugardagur: PIzza,  okkur finnst ágætt að gera stundum pizzu á laugardögum því það er meiri tími í dúllerí en á föstudeginum.  Ég er oftast á fullu seinnipartinn að gera fínt fyrir helgina og því ágætt að elda eitthvað fljótlegra en pizzu.   Þar sem ég er allt í einu farin að blása út af heimagerða speltbotninum er ég farin að búa til dásamlega glúteinlausa útgáfu af pizzu sem ég alveg elska og maginn minn líka 😉

Sunnudagur:  Kornflexkjúllinn er fínasti sunnudagsmatur og allir virkilega sáttir.  Sætar kartöflur með og niðurskorið ferskt grænmeti.

IMG_4312

 

Ég ætla ekki að skrifa niður allar máltíðir vikunnar en fyrir morgunverð áætla ég að þurfa að versla:

  • 1 Cheerios pakki ( því miður eru ekki allir að elska Chia grautinn jafn mikið og ég)
  • Haframjólk og kókosmjólk
  • Egg (1x í viku geri ég eggjabrauð eða ommilettu í morgunverð, yfirleitt á fimmtudögum eða föstudögum)
  • chia fræ
  • Möndlur (heimagerða möndlumjólkin er nauðsynleg fyrir chia grautinn)
  • Frosin hindber
  • epli
  • A.m.k. 1 poka af grænkáli, engifer, epli og frosin ananas eða mangó fyrir græna morgunsjeikinn

Stelpurnar taka með sér nesti fyrir ávaxta/grænmetis hressingu í skólanum

  • gulrætur
  • epli
  • gul melóna
  • perur
  • rauð paprika

Seinniparts hressingin samanstendur yfirleitt af hristing og kannski 1 brauðsneið, eða eplum og hnetusmjöri, eða einhverju öðru tilfallandi.  Stundum hef ég bakað bananabrauð eða amerískar pönnukökur ef gestir eru í heimsókn eða eitthvað sérstakt stendur til.

  • Kókosmjólk (1-2 fernur)
  • Frosið mangó
  • Avakadó
  • Epli
  • möndlusmjör
  • hnetusmjör
  • Bananar
  • gróft spelt (ef ég skyldi baka eitthvað)

Hádegismaturinn minn:

Samanstendur yfirleitt af afgöngum, ef ég á enga afganga er það yfirleitt salat með hinu og þessu.

Það sem ég kaupi fyrir þessa viku er:

  • kál
  • spírur frá Eco spíra
  • vorlaukur
  • pekan hnetur
  • egg

Jæja, nú er planið komið á hreint en nú er spurning hvernig gengur að halda upphæðinni innan marka 🙂

 

 

 

Auglýsingar

3 athugasemdir við “Vikumatseðill 1.vikan í febrúar

  1. Hver eru mörkin á upphæðinni?

    Ég geri alltaf svona vikumatseðil og núna frá áramótum er ég búin að gera mitt besta til að versla hagkvæmt, halda mig við matseðilinn (þó svo að það svissist stundum milli daga ef eitthvað kemur uppá). Ég er ekki með nein mörk að miða við í upphæð, bara stefnan að eyða eins litlu og hægt er að komast af með, án þess að það komi niður á matnum 🙂

    • Hæ, núna í febrúar er ég að miða við 25.000 kr á viku fyrir okkur 5. Það er allt inni í því nema mötuneytið hjá kallinum og mötuneytið hjá skólastelpunum. Allt sem við kaupum matarkyns yfir mánuðinn og hreinlætisvörur.

      Ég hef gert eins og þú reynt bara að vera eins hagkvæm og ég get en ákvað að skera ennþá meira niður 🙂

      Markmiðið er að ná að eyða aðeins 100.000 kr í mat yfir mánuðinn og borða samt hollt. Þegar ég fór af stað vissi ég ekki hvort það var mikið eða lítið svo ég athugaði neysluviðmið hjá umboðsmanni skuldara og skv. honum eru viðmið fyrir 5 manna fjölskyldu um 140.000 kr á mánuði, eftir öll mötuneytin er 110.000 kr eftir !

      Það er bara ennþá skemmtilegra að spara þegar markmiðin eru skýr 🙂
      Gangi þér vel og takk fyrir að fylgjast með 🙂
      Kveðja,
      Oddrún

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s