Einfaldir og súper góðir íspinnar

Ótrúlega góðir íspinnar sem tekur ca 3 mín að gera.  Geri þetta stundum þegar tíminn er naumur.  Krökkunum finnst þetta virkilega gott og mér líka.  Lífrænt, engin aukaefni og engin viðbættur sykur.  Flaskan dugar í 14 stykki og kostar því íspinninn 42 kr.

íspinnar

Aðferð:  Opnið flöskuna og hellið í íspinnamót, frystið og borðið 🙂

Falið grænmeti

Kannast þið við krakka (eða eiginmenn) sem vilja alls ekki grænmeti í matnum, má ekki vera laukur, má ekki vera paprika, hvað þá sellerý eða annað góðgæti.  Ég kannast allavegna við þetta.  Það er mjög sniðugt að smella bara grænmetinu í mini matvinnsluvélina ásamt smá vökva og gera úr því súpu og hella svo út í matinn þegar engin sér (mjög mikilvægt) 🙂

falið grænmetifalið grænmetifalið grænmeti

 


 

Krókódíladjús (Chlorella)

Chlorella í ávaxtasafa er sumardrykkur krakkana í ár.  Ekki það að þeim finnist það eitthvað sérstaklega æðislega gott en þau láta sig hafa það. Sérstaklega ef það er hægt að drekka drykkinn með fallegu röri eða úr flottu glasi.   Við höfum drukkið þennan græna drykk síðastliðna 2 mánuði undir nafninu krókódíladjús.   Uppskriftin er ca. 1/2 -1 teskeið af dufti í safann.  Hægt og rólega er hægt að bæta við skammtin eftir smekk.

En af hverju í ósköpunum að drekka Chlorella.  Chlorella eru  ferskvatns grænþörungar sem innihalda mikið magn af blaðgrænu og eru alveg ótrúlega hollir, innihalda fullt af vítamínum, amínósýrum og steinefnum og eru góðir fyrir meltinguna.  Aðal ástæðan fyrir því við höfum tekið þetta inn er að Chlorella hjálpar við að hreinsa eiturefni úr líkamanum.  Þungmálmar geta safnast upp í líkamanum og haft áhrif á námsárangur, tilfinningasvið, hegðunarmynstur og athygli.  Elsta skvísan mín mældist með mikið magn af þungmálmum í mælingu hjá Matthildi náttúrlækni en eftir mánaðar neyslu af „krókódíladjús“ var mikill munur á þessari mælingu og ég býð spennt að sjá hversu mikill munur verður eftir alla krókódíladsjús-drykkjuna í sumar 🙂