Gott start – brot af því besta í þrjár vikur – Maí 2022

kr.17.800

Category:

Description

Sumarið er handan við hornið með hækkandi sól og tilvalið að hressa sig við með hreinu og næringarríku fæði og bæta við góðum venjum fyrir sumarið. Þetta er ekki hreinsun eða detox, bara alvöru matur og fullt af grænmeti og annarri gleði.
Þetta námskeið hentar öllum sem vilja aðeins bretta upp ermarnar og bæta mataræðið sitt og allrar fjölskyldunnar. Langar þig kannski til að skipuleggja þig aðeins betur í eldhúsinu til að einfalda matreiðsluna án þess að gefa afslátt af hollustunni?

Þú færð sendann innkaupalista og uppskriftahefti áður en við hefjumst handa. Tvisvar til þrisvar í viku er lifandi útsending í lokaða FB hópnum sem þið fáið aðgang að og við möllum saman. Þetta er ýmist kvöldmatur, morgunverður eða nasl ásamt smá laugardagsnammi. Þú getur horft á útsendinguna á rauntíma eða seinna þegar það hentar þér betur. Ef þú nærð ekki að fylgjast með öllum “kennslustundunum” getur þú gert það síðar þar sem öll myndböndin eru aðgengileg í mánuð eftir að námskeiði lýkur.

Allar uppskriftirnar eru án glúteins, mjólkur og sykurs (fyrir utan oggu ponsu 70 % súkkulaði. Þú ræður hvort þú ferð alveg eftir matarskipulaginu eða aðeins að hluta til. En námskeiðið snýst allt um það að bæta inn góðum venjum, hugmyndum og uppskriftum til frambúðar. Uppskriftirnar innihalda bæði grænmeti, fisk, kjúkling og lambakjöt. Þú aðlagar matarplanið að því hvort þú borðir fisk og kjöt eða ekki.


Innifalið í námskeiðisgjaldinu:

– Uppskriftahefti með 65 uppskriftum
– Innkaupalisti
– Rafbókin „Sumarlegar uppskriftir“
– Lokaður Facebook hópur þar sem þú færð stuðning og getur spurt spurninga.
– 7 lítil matreiðslunámskeið sem dreifast yfir 3 vikur. Þau eru mislöng, nokkur lengri en önnur styttri.
– Rafrænn fyrirlestur í lok og upphaf námskeiðis.
– Að þessu sinni fylgir líka aðgangur að sumarlegu nammi/nestis námskeiði (sem verður í júní)

Námskeiðið fer fram 23.maí – 12.júní en upphafsfyrirlestur og FB hópur eru aðgengilegir frá 19.maí

Námskeiðið kostar 17.800.-
Athugið að mörg stéttarfélög endurgreiða helming af námskeiðisgjaldinu.

Published by