Fyrsta námskeið ársins 2024

Takk fyrir samveru og samskipti á liðnu ári. Ég hlakka til að hafa fleiri námskeið á komandi ári og vonandi sé ég sem flesta.

Í janúar fara oft margir í heilsugírinn og vilja gera betur og eru jafnvel með eitthvað samviskubit eftir nautnalíf síðustu vikur ársins. Algengt er að farið sé af stað með ákveðnu offorsi sem er yfirleitt ekki leiðin til árangurs. Best er að setja raunhæf markmið og vera með raunhæfar væntingar en auðvitað er gott að nýta þennan kraft til góðs og huga vel um sig.

Heilsan okkar ætti ekki að vera átak heldur lífstíll og það er löngu sannað að skyndilausnir hjálpa ekki til. Það ætti að vera takmark hjá okkur öllum að borða almennt næringarríkan mat dagsdaglega þannig að þó að við förum í frí eða erum undir álagi erum við samt innan hins gullna meðalvegar. Námskeiðið Gott start á 4 vikum hefur hjálpað mörg hundruð einstaklingum síðustu 2 árin að bæta við rútínuna sína næringarríkum réttum og góðum venjum í þessum tilgangi. Á því námskeiði erum við ekki að einblína á það sem við viljum borða minna af – heldur fer athyglin öll á það sem við viljum borða meira af. Litríkt grænmeti, nægt prótein og góð grunnnæring. Matur sem er góður fyrir þarmaflóruna og blóðsykurinn.

Næsta Gott start námskeið verður haldið í 21.janúar -18.febrúar og hægt er að bóka það hér: https://heilsumamman.com/product/gott-start-januar-2024/

Smelltu á linkinn til að lesa meira um námskeiðið og athugaðu að þeir sem bóka snemma fá smá afslátt svo ekki missa af því. Í mars verður boðið upp á Gott start – framhaldsnámskeið fyrir þá sem vilja áframhaldandi fræðslu og stuðning.

Það er svo gott að næra sig vel og nauðsynlegt fyrir alla til þess að líða vel í eigin skinni, hafa næga orku og minnka líkur á lífstílssjúkdómum. Góð næring snýst ekki um kíló og útlit heldur um það að hugsa vel um eina líkamann sem við eigum þannig að hann virki vel og okkur líði vel.

Ég er einnig farin að bóka nammi námskeið fyrir fyrirtækja- og hópa svo ef það er eitthvað sem þér líst vel á fyrir þinn hóp eða fyrirtæki sendu mér þá línu á heilsumamman@gmail.com eða línu á messenger fyrir verð og lausa daga.