Gott start í október

Hvernig líst þér á að næra þig extra vel í vetur með því að elda fallegan, litríkan og bragðgóðan mat sem þér líður vel af?

Vantar þig fleiri hugmyndir af meðlæti og millimáli?
Langar þig að elda mat sem viðheldur góðri blóðsykurstjórnun og minnkar sykurlöngun?
Langar þig að öðlast meiri sjálfsöryggi í eldhúsinu?
Langar þig að skipuleggja þig betur í eldhúsinu, nýta afganga og hætta allri matarsóun?

Þetta er ekki neinn kúr sem við erum að fara í, heldur ætlum við einfaldlega að elda alvöru mat, nota mikið af grænmeti, mikið af góðum kryddum og allskonar góðgæti fyrir kroppinn.
En námskeiðið snýst um það að bæta inn góðum venjum, hugmyndum og uppskriftum til frambúðar.

Þú færð sendann innkaupalista og uppskriftahefti áður en við hefjumst handa.
Í hverri viku er lifandi útsending í lokaða FB hópnum sem þið fáið aðgang að og við eldum saman. Þú getur horft á útsendinguna á rauntíma eða seinna þegar það hentar þér betur. Ef þú nærð ekki að fylgjast með öllum “kennslustundunum” getur þú gert það síðar þar sem öll myndböndin eru aðgengileg í 2-3 mánuði eftir að námskeiði lýkur.

Uppskriftirnar innihalda bæði grænmeti, fisk, kjúkling og lambakjöt. Þú aðlagar matarplanið að því hvort þú borðir fisk og kjöt eða ekki. Allar uppskriftirnar í heftinu eru án glútens, mjólkur og sykurs (fyrir utan smá 70 % súkkulaði og smá kókospálamsykur). Þú ræður hvort þú ferð alveg eftir matarskipulaginu eða aðeins að hluta til.


Innifalið í námskeiðisgjaldinu:
– Uppskriftahefti með rúmlega 70 uppskriftum
– Innkaupalisti
– Tölvupóstur á hverjum virkum degi með fræðslu og hvatningu.
– Rafbókin “Súpur, pottréttir og fleira góðgæti”
– Lokaður Facebook hópur þar sem þú færð stuðning og getur spurt spurninga.
– 5 sýnikennslur sem dreifast yfir 4 vikur.
– Rafrænn fyrirlestur í upphafi og í lok námskeiðis.

Námskeiðið hefst með upphafsspjalli 3.október og lýkur 1.nóvember með lokaspjalli

Sýnikennslurnar verða á þessum tíma en athugið að ef þessir tíma henta ekki er alltaf hægt að horfa seinna, um leið og sýnikennslan er komin inn á FB hópinn er hægt að horfa á hana hvenær sem er.

Sunnudaginn 8.október kl. 12.00-14.00 (undirbúningur fyrir mánuðinn, kínóa, múslí, flatbrauð, nammi ofl.)
Þriðjudagin 10.október kl. 18.00-19.00 (Eldum saman kvöldmat)
Þriðjudaginn 17.október kl. 18.00-19.00 (Eldum saman kvöldmat)
Þriðjudaginn 24.október kl. 18.00-19.00 (Eldum saman kvöldmat)
Þriðjudaginn 31.október kl. 18.00-19.00 (Eldum saman kvöldmat)

Námskeiðið kostar 19.900.- En þeir sem bóka snemma frá 20 % afslátt. (bóka þarf í síðasta lagi 25.september)
Athugið að mörg stéttarfélög endurgreiða helming af námskeiðisgjaldinu.

Smelltu hér til að bóka : https://heilsumamman.com/product/gott-start-oktober-2023/

heilsumammanLeave a comment

Námskeið haust 2023

Það er allt að komast í rútínu hjá flestum eftir gott sumar. Eins og sumarið er notalegt með öllum sýnum lystisemdum er alltaf ákveðið gott þegar allt er komið í fastari skorður. Yfirleitt leyfum við okkur meira yfir sumarið en þegar fer að hausta viljum við velja hollari kost. En stundum gengur það mis vel, það getur verið vegna þess að þarmaflóran er farin úr jafnvægi og öskri á áframhaldandi sykur og sukk eða bragðlaukarnir okkar eru bara orðnir svo góðu vanir að þeir kalla á áframhaldandi gotterí. Ef þú tengir við þetta sjáumst við vonandi á næsta Gott start námskeiði.

Heilsan okkar ætti ekki að vera átak heldur lífstíll og það er löngu sannað að skyndilausnir hjálpa ekki til. Það ætti að vera takmark hjá okkur öllum að borða almennt næringarríkan mat dagsdaglega þannig að þó að við förum í frí eða erum undir álagi erum við samt innan hins gullna meðalvegar. Námskeiðið Gott start á 4 vikum hefur hjálpað mörg hundruð einstaklingum síðustu 2 árin að bæta við rútínuna sína næringarríkum réttum og góðum venjum í þessum tilgangi. Á því námskeiði erum við ekki að einblína á það sem við viljum borða minna af – heldur fer athyglin öll á það sem við viljum borða meira af. Litríkt grænmeti, nægt prótein og góð grunnnæring. Matur sem er góður fyrir þarmaflóruna og blóðsykurinn.

Næsta Gott start námskeið verður haldið í október, 3.október – 1.nóvember, og hægt er að bóka það hér: https://heilsumamman.com/product/gott-start-oktober-2023/

Smelltu á linkinn til að lesa meira um námskeiðið og athugaðu að þeir sem bóka snemma fá smá afslátt svo ekki missa af því. Í nóvember verður boðið upp á Gott start – framhaldsnámskeið fyrir þá sem vilja áframhaldandi fræðslu og stuðning.

En margir hafa þegar farið í gegnum Gott start prógrammið og langar bara að fá bara smá pepp. Aðrir eru ekki alveg til í svona mikla bindingu; sýnikennslur í hverri viku og póstar á hverjum degi. Kannski er einfaldlega of mikið að gera. Þess vegna er ég mjög spennt fyrir nýjasta námskeiðinu- Gott start eftir sumarið – 3ja vikna áskorun sem hefst 11.september og stendur yfir í þrjár vikur. Áskorunin felst í því að búa til eitthvað næringarríkt á hverjum degi og í hverri viku koma nokkrar nýjar uppskriftir til að velja úr; salat, súpa, grautur, drykkir eða sætindi. Léttir, fljótlegir og einfaldir réttir.

Þetta er ekki nein skyndilausn heldur bara smá spark í rassinn eftir sumarfríið til að halda áfram að næra sig vel í vetur.

Hér er hægt að lesa meira um og bóka sig í áskorunina: https://heilsumamman.com/product/gott-start-eftir-sumarid-3ja-vikna-askorun/

Þeir sem hafa komið áður á Gott start námskeið fá áskorunina á smá afslætti, svo ef þú hefur komið áður en ert ekki inni í áframhalds FB hópnum sendu mér þá línu á messenger eða póst á heilsumamman@gmail.com og þú færð sendan afsláttarkóða til að nýta þér.

Það er svo gott að næra sig vel og nauðsynlegt fyrir alla til þess að líða vel í eigin skinni, hafa næga orku og minnka líkur á lífstílssjúkdómum. Góð næring snýst ekki um kíló og útlit heldur um það að hugsa vel um eina líkamann sem við eigum þannig að hann virki vel og okkur líði vel.

En svo er nú varla hægt að fara í gegnum lífið án sætinda og því verða nammi námskeiðin á sínum stað – en þau verða auglýst síðar.

Ég er þegar farin að bóka fyrirtækja- og hópa nammi námskeið fyrir haustið svo ef það er eitthvað sem þér líst vel á fyrir þinn hóp eða fyrirtæki sendu mér þá línu á heilsumamman@gmail.com eða línu á messenger fyrir verð og lausa daga.

Næringarríkt nammi

Ég hlakka til að hafa þig með á námskeiði í haust.

Hér eru nokkur ummæli þátttakenda eftir Gott start námskeiðin.

heilsumammanLeave a comment

Gott start fyrir sumarið

Hvernig líst þér á að næra þig extra vel fyrir sumarið með því að elda fallegan, litríkan og bragðgóðan mat sem þér líður vel af?

Vantar þig fleiri hugmyndir af meðlæti og millimáli?
Langar þig að elda mat sem viðheldur góðri blóðsykurstjórnun og minnkar sykurlöngun?
Langar þig að öðlast meiri sjálfsöryggi í eldhúsinu?
Langar þig að skipuleggja þig betur í eldhúsinu, nýta afganga og hætta allri matarsóun?

Þetta er ekki neinn kúr sem við erum að fara í, heldur ætlum við einfaldlega að elda alvöru mat, nota mikið af grænmeti, mikið af góðum kryddum og allskonar góðgæti fyrir kroppinn.
En námskeiðið snýst um það að bæta inn góðum venjum, hugmyndum og uppskriftum til frambúðar.

Smelltu hér til að skrá þig: https://heilsumamman.com/product/gott-start-mai-2023/

Þú færð sendann innkaupalista og uppskriftahefti áður en við hefjumst handa.
Í hverri viku er lifandi útsending í lokaða FB hópnum sem þið fáið aðgang að og við eldum saman. Þú getur horft á útsendinguna á rauntíma eða seinna þegar það hentar þér betur. Ef þú nærð ekki að fylgjast með öllum “kennslustundunum” getur þú gert það síðar þar sem öll myndböndin eru aðgengileg í 2 mánuði eftir að námskeiði lýkur.

Uppskriftirnar innihalda bæði grænmeti, fisk, kjúkling og lambakjöt. Þú aðlagar matarplanið að því hvort þú borðir fisk og kjöt eða ekki. Allar uppskriftirnar í heftinu eru án glútens, mjólkur og sykurs (fyrir utan smá 70 % súkkulaði og smá kókospálamsykur). Þú ræður hvort þú ferð alveg eftir matarskipulaginu eða aðeins að hluta til.


Innifalið í námskeiðisgjaldinu:
– Uppskriftahefti með rúmlega 70 uppskriftum
– Innkaupalisti
– Tölvupóstur á hverjum virkum degi með fræðslu og hvatningu.
– Rafbókin “Sumarlegar uppskriftir”
– Lokaður Facebook hópur þar sem þú færð stuðning og getur spurt spurninga.
– 6 sýnikennslur sem dreifast yfir 4 vikur.
– Rafrænn fyrirlestur í upphafi og í lok námskeiðis.

Námskeiðið hefst með upphafsspjalli 2.maí og lýkur 31.maí með lokaspjalli

Sýnikennslurnar verða á þessum tíma en athugið að ef þessir tíma henta ekki er alltaf hægt að horfa seinna, um leið og sýnikennslan er komin inn á FB hópinn er hægt að horfa á hana hvenær sem er.

Sunnudaginn 7.maí kl. 12.00-14.00 (undirbúningur fyrir mánuðinn, kínóa, múslí, flatbrauð, nammi ofl.)
Miðvikudaginn 10.maí kl. 18.00-19.00 (Eldum saman kvöldmat)
Þriðjudaginn 16.maí kl. 18.00-19.00 (Eldum saman kvöldmat)
Sunnudaginn 21.maí kl. 12.00-14.00 (Búum til ýmislegt sem er gott að eiga til fyrir vikuna)
Þriðjudaginn 30.maí kl. 18.00-19.00 (Eldum saman kvöldmat)

Þriðjudaginn 23.maí kl. 18.00-19.00 (Eldum saman kvöldmat)

Námskeiðið kostar 19.900.-
Athugið að mörg stéttarfélög endurgreiða helming af námskeiðisgjaldinu.

Hér má sjá ummæli frá þáttakendum á fyrri námskeiðum:

Smelltu hér til að skrá þig: https://heilsumamman.com/product/gott-start-mai-2023/

Það verður gaman að hafa þig með í maí 🙂

heilsumammanLeave a comment

Nammi námskeið haust 2022

Fastir liðir eins og venjulega þegar nóvember nálgast eru nammi námskeiðin sem hafa notið mikilla vinsælda síðustu árin. Jafnvel þó engar fjöldatakmarkanir séu í gildi verða nammi námskeiðin rafræn í ár eins og síðustu tvö árin. Ástæðan er einfaldlega sú að það hefur reynst svo frábærlega vel og þá skiptir búseta heldur ekki máli og allir geta verið með.

Námskeiðin í ár verða haldin miðvikudaginn 16.nóvember og miðvikudaginn 30.nóvember

Að auki verður eitt eftirréttar námskeið 8. desember þar sem við búum til Tíramísu (eða súkkulaði) tertu, ís og Snickers bita úr næringarríkum hráefnum.

Ef þig langar á bæði námskeiðin er hægt að bóka það saman og þá færðu 20 % afslátt af báðum námskeiðinum.

Smelltu hér til að bóka námskeið: https://heilsumamman.com/product-category/heilsumamman-is-namskeid/

Námskeiðin eru haldin í gegnum zoom. Nokkrum dögum fyrir námskeið færðu sendan innkaupalista, uppskriftir og undirbúningsplan þar sem kemur t.d. fram hvaða áhöld þú þarft að hafa tilbúin. Að morgni námskeiðisdags færðu sendan zoomlink til að komast inn á námskeiðið. Þetta hefur gengið alveg ótrúlega vel hingað til og þau sem hafa prófað að koma á námskeið og hinsvegar sækja rafrænt námskeið eru öll sammála því að þetta rafræna stendur upp úr. Það er bara svo þægilegt að geta verið heima í sínu eldhúsi á námskeiði. Þú þarft ekki að fara út í kuldann, redda barnapössun eða keyra langar vegalengdir. Á móti geturðu boðið fjölskyldunni að taka þátt með þér og átt svo allt gotteríið sjálf/ur þegar námskeiðinu lýkur.

Að lokum má nefna það að allt sem við búum til er glúteinlaust, mjólkurlaust og hentar þeim sem eru vegan. Alltaf er hægt að nota eitthvað annað en hnetur í uppskriftir ef þú vilt búa til hnetulaust nammi. Við notum mest döðlur til að sæta en í einstaka tilfellum hlynsíróp eða kókospálmasykur. Eini hvíti sykurinn gæti mögulega leynst í dökka súkkulaðinu.

Ég minni á að mörg stéttafélög greiða allt að 50 % tilbaka af námskeiðisgjaldinu.

Öll námskeiðin verða tekin upp og því hægt að horfa síðar á upptökuna ef tíminn hentar þér ekki.

Í nóvember eru nokkrar dagar lausir fyrir hópa- og fyrirtækja námskeið. En það að búa til nammi saman er einmitt frábær samvera og hópefli. Til að fá upplýsingar um lausar dagsetningar og verð fyrir hópinn þinn sendu fyrirspurn á heilsumamman@gmail.com

Hlakka til að sjá þig ná namminámskeiði

heilsumammanLeave a comment

Risarækjur með kryddmauki og mangósalat

Jæja, hér kemur uppskriftin af risarækjuréttinum sem vakti ekkert smá mikla athygli um daginn. Ég held að ég hafi aldrei fengið jafn mikil viðbrögð við neinni uppskrift fyrr né síðar. Þetta er ein af uppskriftunum á 3ja vikna Gott start námskeiðinu sem er í gangi akkúrat núna. Við bjuggum einmitt til þennan rétt í vikunni og féll hann í mjög góðan jarðveg. Kryddmaukið má að sjálfsögðu nota líka á fisk, kjúkling eða lambakjöt. Frystið afganginn af kryddmaukinu og notið síðar.

Grænt kryddmauk

3 cm (um það bil) engifer

  • 3 stk grænt chili
  • 3 cm (u.þ.b.) engifer
  • 3 þurrkaðar döðlur
  • 3 hvítlauksrif
  • 1 sítróna (safinn)
  • væn lúka steinselja
  • 2 msk góð karrý kryddblanda (Hægt að nota indverska eða tælenska karrý blöndu og eins má líka nota mexíkó kryddblöndu)
  1. Setjið allt í litla matvinnsluvél og vinnið þangað til vel maukað.
  2. Setjið bökunarpappír í box og setjið maukið á pappírinn með matskeið. Passið að hafa gott pláss á milli þannig að þegar maukið frosnar þá er auðvelt að taka 1 msk í einu til að nota. Setjið bökunarpappír á milli laga.

Það má gjarnan margfalda þessa uppskrift og gera tvöfalda eða þrefalda þar sem maukið er geymt í frysti. Úr þessu mauki er gott að búa til milda karrýsósu með kókosmjólk sem hægt er að nota sér eða sem grunn fyrir til dæmis kjúklingarétt eða linsubaunarétt.

Risarækjur með kryddmauki og mangó salat

  • 1 msk avókadó ólía
  • 500 gr risarækjur
  • 2 msk kryddmaukið (hér á undan)
  • 1-2 hvítlauksrif (pressuð)
  1. Setjið rækjurnar ásamt 2 msk af kryddmauki í lokað ílát og leyfið því að marinerast í a.m.k. 1 klst.
  2. Hitið olíu á pönnu og byrjið á því að setja hvítlaukin á pönnuna. Steikið svo rækjurnar í hvítlauksolíunni þangað til þær eru eldaðar í gegn, það tekur um það bil 4-6 mín.

Ef rækjurnar eru frosnar, látið þá buna á þær með köldu vatni, þær afþýðast fljótt þannig.

Mangósalat

(magn af hverju hráefni fer eftir smekk og fjölda)

  • klettasalat
  • mangó í litlum bitum
  • rauð paprika í litlum bitum
  • vorlaukur smátt saxaður
  • kóríander (þeir sem hata kóríander sleppa honum) 

Ég hvet ykkur til að prófa þennan rétt næst þegar sólin skín.

Verði ykkur að góðu.

heilsumammanLeave a comment

Gott start fyrir sumarið

Það er komið að næsta Gott start námskeiði. Þetta verður þriðja námskeiðið á þessu ári. Í janúar og mars var mjög svipaður matseðill þar sem áherslan var öll á svolítið vetrarlegan mat, súpur, pottréttir og fleira í þeim dúr. Að þessu sinni verður áherslan á sumar og sól, sumarlegan mat, góð salöt, gott meðlæti með grillmatnum og góðar hugmyndir fyrir sumarfríið.

Það sem við ætlum að gera í þessar 3 vikur:

Við ætlum að einbeita okkur að því að borða næringarríkan litríkan mat sem gefur okkur orku og hjálpar okkur að halda blóðsykrinum rólegum. Vonandi muntu fá fullt af nýjum hugmyndum, prófa nýjar uppskriftir og fá hugmyndir hvernig þú getur skipulegt þig betur í eldhúsinu til að spara tíma. Það sem er á matseðlunum er t.d. fiskur, kjúklingur og lambakjöt. En einnig ætlum við að prófa linsubaunir, kínóa og fleira spennandi. Ef þú ert grænmetisæta eða vegan er minnsta mál að sleppa kjöti og fiski og nota í staðinn baunir eða annað prótein úr jurtaríkinu. Öll áherslan á þessu námskeiði er að bæta inn góðum hlutum. Við ætlum líka að einbeita okkur að því að drekka mikið vatn og jurtate.

Hvernig ætlum við að gera þetta ?

Allt námskeiðið fer fram á lokuðu Facebook svæði sem þið fáið aðgang að nokkrum dögum áður og 3 dögum áður við hefjumst handa mun ég halda smá fyrirlestur sem þið getið hlustað á þegar ykkur hentar. Þar förum við enn betur yfir hvað við ætlum að gera þessar 3 vikur en einnig ræða sykurþörf, blóðsykur, venjur, heilbrigt samband við mat og hinn gullna meðalveg. Þið fáið svo sendann innkaupalista og uppskriftahefti til að geta verslað inn og skipulagt ykkur. Tvisvar til þrisvar í viku er live útsending í lokaða FB hópnum og við möllum saman. Á sunnudeginum fyrir fyrstu vikuna verður undirbúningsdagur þar sem við vinnum okkur aðeins í haginn fyrir vikuna. Hinar sýnikennslurnar eru flestar á kvöldmatartíma en nánari listi yfir sýnikennslurnar koma fljótlega. Þú getur horft á útsendinguna á rauntíma eða seinna um daginn eða næsta dag þegar það hentar þér betur.

Upphafsfyrirlestur verður aðgengilegur frá og með 19. maí, preppdagurinn okkar verður sunnudaginn 22.maí og svo byrjum við mánudaginn 23.maí til og með sunnudagsins 12.júní og að lokum verður loka fyrirlestur þriðjudaginn 14.júní.

Ef þessi tími hentar ekki nógu vel en mig langar mikið að vera með ?

Ef þú nærð ekki að fylgjast með öllum “kennslustundunum” getur þú gert það síðar þar sem öll myndböndin eru aðgengileg í 2 mánuði eftir að námskeiði lýkur.

Hvað kostar og hvað er innifalið ?
– Uppskriftahefti með 65 uppskriftum
– Innkaupalisti
– Rafbókin „Sumarlegar uppskriftir”
– Lokaður Facebook hópur þar sem þú færð stuðning og getur spurt spurninga.Tölvuóstur á hverjum morgni þessa viku með fróðleik fyrir daginn.
– 7 matreiðslunámskeið sem dreifast yfir 3 vikur (30-60 mín hvert skipti) en undirbúningsdagurinn mun þó taka 2 klst.

– Að þessu sinni fylgir líka aðgangur að sumarlegu nammi námskeiði miðvikudaginn 15.júní (ef dagur hentar ekki verður hægt að fá upptöku)
– Rafrænn fyrirlestur í lok og upphaf námskeiðis.

Námskeiðið kostar 17.800 kr.

Athugið að mörg stéttarfélög endurgreiða helming af námskeiðisgjaldinu.

Hvernig skrái ég mig?

Hérna er linkur á námskeiðið í vefverslun: https://heilsumamman.com/product/gott-start-i-thrjar-vikur-mai-2022/

Ef þú ert ekki alveg viss um hvort þetta sé fyrir þig geturðu rent yfir hvað þáttakendur á fyrri námskeiðum hafa um námskeiðið að segja:

Betri melting og meiri orka

Leið andlega og líkamlega betur. Maturinn var næringagóður og góður á bragðið.

Notalegur kennari og allt sem gert var eitthvað svo einfalt og þægilegt. Engin pressa með neitt. Leið mjög vel á þessu námskeiði.

Ég er að mestu leyti vegan þannig að ég var ekki að breyta mataræðinu heldur frekar að auka þekkingu mína og færni. Mín bætta líðan er bara að geta og kunna meira, einnig fannst mér mjög mikilvægt að koma mér af stað í að skipuleggja vikuna það hjálpar mér mjög mikið í mínu lífi.

Bætt blóðsykurstjórnun og betri melting. Svo var alveg ótrúlega gaman á námskeiðinu og mikil tilhlökkun á hverjum degi að prófa eitthvað nýtt, hollt og bragðgott.

Jafnari orka, minni sætindaþörf og þörf fyrir kvöldnarti. Maðurinn minn talaði um betri og dýpri svefn

Vera laus við sykurlöngunina, aukin orka

Betri svefngæði, minni bjúgur, almenn líðan mun betri.

Þó ég hafi ekki getað fylgt námskeiðinu alveg og getað gert uppskriftirnar (mun gera þær með tíð og tíma) þá myndi ég segja að bætt líðan hjá mér var í formi meira öryggi og þekkingu í átt að betra matarræði.

Hlakka til að sjá ykkur í sumarfíling á maí námskeiðinu 🙂

heilsumammanLeave a comment