Haust námskeið 2020

Núna er akkúrat tíminn til að næra sig vel og borða hreinan mat sem gefur okkur orku og kraft. Þessi covid tíð tekur á marga og gott að nýta gott og næringarríkt mataræði til að halda bæði líkamlegu og andlegu heilsunni í góðu jafnvægi.  Hvernig væri að skella sér á matreiðslunámskeið og læra einföld trix í eldhúsinu ?  Allt sem við búum til er næringarríkt, einfalt og bragðgott.

Í vor aðlagaði ég mig breyttum aðstæðum og var með matreiðslunámskeiðin rafræn.  Það gekk svona ljómandi vel og allir mjög ánægðir.  Ég held því áfram að koma með námskeiðið heim í eldhús til þín.   Þú færð sendan innkaupalista, undirbúningsplan og uppskriftahefti.  Þú færð svo sendan zoom link og leiðbeingar varðandi zoom ef þú ert ekki vön/vanur að nota það.  Sumir voru pínu óöruggir í fyrstu þar sem þetta var alveg nýtt fyrir suma en þetta gekk allt saman alveg ótrúlega vel.  Zoom kostar ekki neitt og er mjög notendavænt.

Það fylgja því margir kostir að vera á matreiðslunámskeiði heima hjá sér.

  • Þú þarft ekki að fara út úr húsi (t.d. ef veðrið er vont).
  • Þú þarft ekki endilega að redda barnapössun.
  • Þú getur boðið maka og/eða börnum að vera með þér í eldhúsinu án þess að borga aukalega.
  • Þegar námskeiðinu lýkur ertu búin að búa til FULLT af mat sem þú átt sjálf(ur) til að njóta.
  • Þú ert komin í gang í þínu eigin eldhúsi og því auðveldara að halda áfram næstu daga.

Allt sem við búum til er glúteinlaust, mjólkurlaust og án dýrapróteina svo þetta hentar nánast öllum sem vilja hreinan og góðan alvöru mat hvort sem þeir eru með einhver mataróþol, eru Vegan eða Paleo.

Þetta eru næstu námskeið:  

Morgunmatur og millimál – 7.október  kl. 18.00-21.00 (miðvikudagur)

Á matseðlinum verður meðal annars:

  • Frækex og pesó
  • Múslí 2 gerðir- hnetumúslí og súkkulaðimúslí
  • Möndlumjólk og morgungrautur
  • Rauðrófudrykkur sem kemur á óvart / Grænn og vænn
  • Næringarríkar nammikúlur

 

Kvöldmatur sem bragð er af   – 20.október Kl. 18.00-21.00 (þriðjudagur)

Þetta námskeið ætti að henta öllum sem vilja borða meira frá grunni. Læra einfalda grænmetisrétti og fyrir þá sem vilja bara borða kjöt eru þetta frábær meðlæti og sósur sem passa með fiski, kjöti og kjúklingi.

Matseðilinn er svohljóðandi:

  • Hirsi/ Kínóa
  • Austurlenskar grænmetisbollur með masala sósu
  • Kryddmauk sem einfaldar alla eldamennsku
  • Einfaldur pönnuréttur á korteri
  • Ristað frækurl
  • Chilli mæjó / Saffransósan
  • Ofnbakað grænmeti

(Við gerum ráð fyrir því að taka hlé og borða það sem við búum til í kvöldmat.)

Næringarríkt nammi – 4.nóvember kl. 18.00-21.00 (miðvikudagur)
– 19.nóvember kl. 18.00-21.00 (fimmtudagur)

Þetta er gamla góða konfektnámskeiðið sem er búið að vera mjög vinsælt í nokkur ár, ef þú hefur komið áður ertu samt sem áður velkomin því þú ert að fara framleiða nammi í eigin eldhúsi – hversu næs að byrgja sig upp ? 🙂

  • Gráfíkjukonfekt
  • Hnetukúlur / lakkrískúlur
  • Karamellukökubitar
  • Karamellukubbar
  • Súkkulaðiplata eftir eigin höfði

Næringarríkar tertur, ís og eftirréttir – Nýtt námskeið 

3.des kl. 18.00-21.00 (fimmtudagur)

Matseðillinn er ekki alveg tilbúin, er í þróun þessa stundina en ég lofa að þetta verður alger veisla.

 

Skráning á námskeiðin er hér: https://forms.gle/7uLzstzqoQwQ8jqC9

Námskeiðin kosta öll 4900 kr skiptið.

Ef 2 eða fleiri námskeið eru bókuð og borguð saman gef ég ykkur 15 % afslátt eða 4165 kr pr. námskeið.

Margir vilja meina að námskeiðin séu alltof ódýr enda meira en helmingi ódýrari en þau voru fyrir covid en ég lít svo á að ég vil að allir geti leyft sér að koma.   Þegar námskeiðin eru rafræn slepp ég við að borga leigu, aðstoðarmanneskju, hráefni og útprentun og ég vil leyfa ykkur að njóta þess. 

Athugið að hægt er að sækja um endurgreiðslu af námskeiðisgjaldinu hjá ykkar stéttafélagi.

Hlakka mjög mikið til að sjá ykkur og malla með ykkur 🙂

Kveðja,

 

 

 

Ný sumarleg rafræn uppskriftarbók

Undanfarið hef ég unnið hörðum höndum að því að græja sumarlega matreiðslubók (rafræna). Hún er hér með komin í sölu fyrir ykkur að njóta 🌱

45 uppskriftir til að nota frá morgni til kvölds. Morgunmatur og millimál, léttir réttir, salöt og sósur ásamt sumarlegum sætindum.

Þetta eru brot af bestu uppskriftunum sem ég hef verið með á námskeiðunum undanfarið.

Allt glúteinlaust, mjólkurlaust, nánast algerlega sykurlaust (smá kókospálmasykur og hlynsýróp í einstaka eftirrétt) og engin dýraprótein í uppskriftunum (en þið getið auðvitað alltaf bætt þeim við).

Bókin kostar 2500 kr en ég ætla að bjóða ykkur 40 % afslátt næstu 2 vikurnar með kóðanum „SUMAR“ og kostar hún því 1500 kr.

Njótið sumarsins kæru vinir ☀️

https://heilsumamman.teachable.com/p/sumarlegir-rettir-rafb…

Sumarlegt nesti og nammi

Jæja, þá er komið að síðasta námskeiðinu fyrir sumarið.

Að þessu sinni verðum við Margrét Leifsdóttir saman og búum til með ykkur sumarlegt nesti og nammi fyrir útilegurnar, ferðalögin, fjallgöngurnar og sportið.

Það er svo gott að geta búið til bragðgott nesti sem er líka næringarríkt.

Það sem er á dagskránni er til dæmis:

  • Múslí og súkkulaðimúslí
  • Ferðablandan
  • Kökudeigskúlur
  • Próteinkúlur
  • Súkkulaðikakaka sem ekki þarf að baka
  • Súkkulaðimúslíklattar og hnetuklattar
  • Múslístöng

Þetta verður semsagt alger veisla.

Námskeiðið verður á Zoom sem þýðir að allir eru í sínu eldhúsi og þegar námskeiðið er búið eigið þið til allt góðgætið til að gæða ykkur á.

Námskeiðið verður þriðjudaginn 16.júní kl. 18.00-21.00

Verð  4900 kr

Skráning hér: https://forms.gle/Q8816gXZVLJgRvTq8

 

 

Hlakka til að sjá ykkur 🙂

Kveðja,

Oddrún

 

 

 

 

 

5 uppáhaldsolíurnar mínar – við heimilisþrifin

Jæja… smá framhald af ilmkjarnaolíu umræðunni.  Síðast sagði ég ykkur frá hvaða olíur ég nota mest í eldhúsinu: https://heilsumamman.com/2020/04/09/5-uppahalds-ilmkjarnaoliurnar-i-eldhusinu/

Eins og áður sagði eru ilmolíur frábært hjálpartæki fyrir heilsusamlegan lífstíl.  Þær eru sniðugar til að þrífa heimilið þar sem sumar náttúrulega örverueyðandi og bakteríudrepandi.   Mikið af hreinsiefnum sem seld eru í stórmörkuðum eru stútfull af allskonar eiturefnum, hormónaraskandi efnum og eru bæði slæm fyrir okkur sjálf, fólkið okkar og ekki síður umhverfið.  Það eru sem betur fer til mjög góðar lífrænar hreingerningarvörur  eins og til dæmis Sonnet en það er líka gaman að nota heimatilbúið.

Þær olíur sem ég nota mest við heimilisþrifin eru þessar 5:

  1. Melaleuca (Teatree)
  2. Lemon
  3. On guard
  4. Grapefruit
  5. Wild orange

Lemon

  • Besta hreinsispreyið í eldhúsið (30 % edik – 70 % vatn – 10 dropar lemon olía) – þrífa bekki og borð, ísskápinn að utan og innan, fínt til að þrífa innréttinguna ofl.
  • Teppahreinsir:  1 dl matarsódi + 10 dropar Lemon olía –  Blandið saman, sáldrið yfir teppi, bíðið yfir nótt og ryksugið næsta morgun.
  • Setjið nokkra dropa í uppþvottavélina til að fá glans
  • Setjið nokkra dropa í þvottavélina eða þurrkarann með þvottinum fyrir góða lykt
  • Frábær til að ná límmiðum af krukkum

Melaleuca (Teatree) 

  • Gott að setja öðru hverju nokkra dropa í þvottavélina með handklæðum til að halda þvottavélinni hreinni frá bakteríum. (Sniðugt að setja lavender með svo lyktin verði betri)
  • Ef það kemur mygla í gluggana á veturna þá blanda ég nokkrum dropum af Melaleuca saman við vatn og bursta svæðið með tannbursta og þurrka vel.
  • Fyrir algerlega eiturefnalausan klósett hreinsi þá er gott að blanda 4-5 dropum af Melaleuca saman við 2-3 msk af matarsóda og dreyfa yfir svæðið (innan í klósettinu), leyfa því að bíða smá og skrúbba svo með bursta og sturta.
  • Melaleuca er svo alger bólueyðir – en meira um það í næsta pósti 🙂

Wild orange

  • Setja nokkra dropa í þvottavélina eða þurrkaran fyrir góða lykt af þvottinum – (set bara 2-3 dropa með þvottinum).
  • Setjið nokkra dropa í smá pappír og ryksugið hann upp og ryksugan sér um að dreyfa góðri lykt um húsið meðan ryksugað er.
  • Blandið saman við lyktarlausa handsápu í baðherberginu fyrir dásamlega og sumarlega lykt.

Onguard

Onguard er mjög kraftmikil bæði til að þrífa en einnig styrkir hún ónæmiskerfið (meira um það seinna)

Hér er uppskrift af alhliða hreinsispreyi sem gott er að nota á baðherberginu, á fituga fleti og erfið óhreinindi og ég nota Onguard olíuna í þetta sprey en það má þó alveg nota aðrar olíur.

Alhliða hreinsisprey

  • 225  ml vatn
  • 125 ml edik
  • 2-3 msk dr. Bronner sápa eða lífrænn uppþvottalögur (ef þið eigið til)
  • 20-25 dropar ilmkjarnaolíur (eftir því hvað þið eigið til)
  • Lemon og Teatree (Melaluca)(15+15)
  •  Onguard (30)
  • Eucalyptus, Peppermint og Wild Orang(10+10+10)

Grapefruit

  • Gerir svo ótrúlega góða lykt þegar hún er sett ilmolíulampann þegar verið er að gera hreint og fínt
  • Góð til að búa til lyktarsprey á baðherbergið.

Og síðast en ekki síst þegar ég nenni ekki að þrífa og taka til er algert kraftaverk að setja nokkra dropa af piparmyntu og Wild orange í ilmolíulampann – fyrir nenn til að þrífa 😉

 

Nóg í bili – næst kemur smá umfjöllun um mínar 5 uppáhalds olíur þegar kemur að heima dekrinu.

Ég sjálf nota ilmkjarnaolíurnar frá doTerra.  Ég kynnist þeim fyrir 2 árum og er mjög glöð með að hafa kynnst þessari snilld.  Best finnst mér þó að það megi taka þér inn, þ.e.a.s. nota þær í matargerð.  Þið skuluð alls ekki nota ilmolíur í matargerð nema framleiðandinn mæli með því og það er yfirleitt ekki mælt með því fyrir ódýrustu olíurnar, því miður.   Það eru margir sem framleiða ilmolíur, ég hef prófað nokkrar gerðir en af öllum sem ég hef prófað finnst mér þessar frá doTerra vera bestar.  Það er því miður ekki hægt að versla þær útí búð en mjög þægilegt að gerast kaupandi hjá þeim, þá fær maður 25 % afslátt, fær þær sendar heim að dyrum með DHL og það er engin skuldbinding um hversu mikið þarf að versla.  Ef það er eitthvað sem ykkur langar að kynna ykkur betur er ykkur velkomið að hafa samband (heilsumamman@gmail.com) og ég get aðstoðað ykkur 🙂

Vor námskeið 2020

Nú er akkúrat tíminn til að næra sig vel og borða hreinan mat sem gefur okkur orku og kraft.  Langar ekki öllum að vera svolítið frísklegir í sumar ? Hvernig væri að skella sér á matreiðslunámskeið og læra einföld trix í eldhúsinu. Allt sem við búum til er næringarríkt, einfalt og bragðgott.

Þar sem aðstæður í þjóðfélaginu bjóða ekki upp á matreiðslunámskeið núna aðlögum okkur bara að breyttum aðstæðum og komum með matreiðslunámskeiðið heim til þín. Þú færð sendan innkaupalista og undirbúningsplan, uppskriftahefti og hittumst svo í gegnum Zoom forritið og eldum saman. (Þú færð líka leiðbeiningar varðandi zoom forritið).

Allir verða í sínu eldhúsi, með sínar græjur og þegar námskeiðinu lýkur ertu búin að fylla ísskápinn af allskyns góðgæti sem þú getur notið næstu daga.

Það verða nokkur mismunandi námskeið næstu vikurnar en aðeins eitt verð 4900 kr og þú getur boðið makanum eða börnunum að vera með þér á námskeiðnu (fer auðvitað eftir plássi hjá þér hversu margir geta stússast á sama tíma).


Þetta eru næstu námskeið:  

Morgunmatur og millimál – 22.apríl kl. 18.00-21.00 (miðvikudagur)
Ath. 20 % afsláttur af þessu námskeiði þar sem það er fyrsta námskeiðið með þessu sniði !!

Á matseðlinum verður meðal annars:

  • Frækex og pesó
  • Múslí – hnetumúslí og súkkulaðimúslí
  • Möndlumjólk og morgungrautur
  • Rauðrófudrykkur sem kemur á óvart
  • Næringarríkar nammikúlur

Sumarleg sætindi – 13.maí kl. 18.00-20.00 (miðvikudagur)
– 4.júní kl. 18.00-20.00 (fimmtudagur)

Á matseðlinum verður meðal annars:

• Límónu-hindberja “ís” kaka
• Súkkulaðikaka sem ekki þarf að baka
• Ávextir með hnetumylsnu og karamellusósu
• Brjálæðislega góður berjaís með súkkulaðisósu
• Orkubitar í ferðalögin
• Sumarlegar sítrónukúlur

 

 

Sumarleg salöt, meðlæti og sósur  – 27.maí kl. 18.00-21.00 (miðvikudagur)

Nýtt og spennandi námskeið.  Hérna munum við búa til allskonar meðlæti, sósur og salöt til að gera grillmatinn í sumar enn girnilegri og bragðmeiri.

Til dæmis:

  • Fallega rauðrófusalatið
  • Litríkt hirsi salat frá Mið-austurlöndum
  • Ristuð  fræblanda
  • Bakaðar paprikur
  • Romesco sósa
  • Chili „mayjo“ sósa
  • Kimchi
  • Sumarleg grænmetisnúðluskál

Skráning á námskeiðin hér: https://forms.gle/1W65LLJQ2VkiCDBf6

Allt sem við búum til er glúteinlaust, mjólkurlaust og án dýrapróteina svo þetta hentar nánast öllum sem vilja hreinan og góðan alvöru mat hvort sem þeir eru með einhver mataróþol, eru Vegan eða Paleo.

Þetta er mikil breyting frá því að hittast saman í Heilsuborginni en ef tæknin bregst þér og þú nærð ekki að fylgjast almennilega með námskeiðinu færðu námskeiðisgjaldið að sjálfsögðu endurgreitt.

Ath. þrátt fyrir það að námskeiðið sé haldið í gegnum fjarfundabúnað er takmarkað hversu margir komast á hvert námskeið.

Hægt að er sækja um endurgreiðslu af námskeiðisgjaldinu hjá ykkar stéttafélagi.

Hlakka mjög mikið til að sjá ykkur og malla með ykkur 🙂

Kveðja,

 

 

 

5 uppáhalds ilmkjarnaolíurnar – í eldhúsinu

Eitt af því sem ég gjörsamlega elska eru ilmkjarnaolíur.   Mér finnst þær vera frábært hjálpartæki fyrir heilsusamlegan lífstíl.  Þær eru unnar úr jurtum, trjám og blómum eru svo sterkustu jurtalyf sem finnast.  Það er talað um að þær sé t.d. 75-100 sinnum kraftmeiri en te.

Ilmkjarnaolíur eru stórmerkilegar, þær eru snilld í matargerð og til að þrífa heimilið þar sem þær eru náttúrulega örverueyðandi og bakteríudrepandi en einnig eru sumar bólgueyðandi og sveppadrepandi.  Sumar eru græðandi og aðrar eru mikið notaðar í snyrtivöruheiminum þar sem þær geta dregið úr hrukkum og haft jákvæð  áhrif á húðina.  Það sem mér finnst samt einna merkilegast er hvernig þær geta haft áhrif á taugakgerfið, hvort sem er að örva eða róa.  Þær geta haft áhrif á tilfinningar, t.d róað stress og kvíða, hjálpað okkur að sofa betur, sumar eru verkjastillandi, aðrar geta hresst okkur við, aukið gleði og einbeitingu.

Vinir mínir hafa ekki farið varhluta af þessum áhuga mínum og einnig hef ég fengið mikið af fyrirspurnum alltaf þegar ég hef komið með einhverja nálgun á ilmolíum á story í Instagram.  Þess vegna ákvað ég  LOKSINS að koma einhverju niður á blað.

Ég ætla að byrja á því að deila hvaða olíur ég nota mest í eldhúsinu.

En það eru þessar 5:  Lemon,  Wild Orange, Lime, Peppermint og Lemongrass. 

Hvernig nota ég þær í matargerð ?

  • Lime, Wild Orange og Lemon nota ég mikið í græna drykki.  Það þarf ekki nema um það bil 2-3 dropa í fulla könnu af smoothie.
  • Lemon út í volgt vatn á morgnanna.  Á tímabili var ég rosalega dugleg að drekka sítrónuvatn á morgnanna.  Mér fannst það svo hressandi og frískandi… alveg þangað til að tannlæknirinn minn hundskammaði mig og spurði hvað ég væri í ósköpunum að gera?  Það var komið svo mikil glerungseyðing að við tók tveggja ára uppbyggingarvinna með flúormeðferð.  Núna er þetta í góðum málum en ég legg ekki í sítrónuvatnið.  Hinsvegar er ilmkjarnaolían unnin úr berki sítrónunnar og því engin sýra.  Þannig að nýja sítrónuvatnið mitt á morgnanna er volgt vatn með einum dropa af Lemon olíunni.   Áhrifin á líkamann eru þau sömu, hún hreinsar alveg eins og sítrónuvatnið.
  • Peppermint nota ég aðallega í nammikúlur og allskonar nammigerð.  Marsípan kúlur með piparmyntubragði, piparmyntusúkkulaði, súkkulaðihrákaka með piparmyntubragði o.s.v.fr.
  • Wild orange nota ég líka í nammigerð.  Hnetukúlur með appelsínukeim, appelsínusúkkulaði, marsípankúlur með appelsínubragði o.s.v.fr.
  • Lemongrass nota ég út í asíska rétti og súpur.  Lemongrass er svo ótrúlega gott í tælenska rétti og tælenskar súpur en fæst ekki alltaf og yfirleitt í verslunum sem eru kannski ekki alltaf í leiðinni.  Þannig að mér finnst frábært að redda mér með 1-2 dropum í súpuna.

Næst ætla ég segja ykkur frá hvaða 5 olíur ég nota til að þrífa heimilið og hvaða 5 olíur ég nota mest í heima dekri.

 

doTerra

Ég sjálf nota ilmkjarnaolíurnar frá doTerra.  Ég kynnist þeim fyrir 2 árum og er mjög glöð með að hafa kynnst þessari snilld.  Best finnst mér þó að það megi taka þér inn, þ.e.a.s. nota þær í matargerð.  Þið skuluð alls ekki nota ilmolíur í matargerð nema framleiðandinn mæli með því og það er yfirleitt ekki mælt með því fyrir ódýrustu olíurnar, því miður.   Það eru margir sem framleiða ilmolíur, ég hef prófað nokkrar gerðir en af öllum sem ég hef prófað finnst mér þessar frá doTerra vera bestar.  Það er því miður ekki hægt að versla þær útí búð en mjög þægilegt að gerast kaupandi hjá þeim, þá fær maður 25 % afslátt, fær þær sendar heim að dyrum með DHL og það er engin skuldbinding um hversu mikið þarf að versla.  Ef það er eitthvað sem ykkur langar að kynna ykkur betur er ykkur velkomið að hafa samband (heilsumamman@gmail.com) og ég get aðstoðað ykkur 🙂