Það er ekkert flókið við þetta, bara eintóm hamingja. Ég baka svo oft tortillur um helgar og þá er alger snilld að taka afganginn og búa til pizzu svona í hádeginu á sunnudeginum, eða bara í kvöldmatinn. Tekur lítinn tíma og bragðast alveg dásamlega vel.
Nokkrar leiðir til að gera pizzu að heilsusamlegum mat:
- Passaðu að pizzusósan sé ekki stútfull af sykri og aukaefnum. (Ég nota hreint tómatpuré sem ég krydda með oregano og hvítlauk og ýmsu öðru gúmmelaði)
- Settu eins mikið af grænmetisáleggi og þú getur hugsað þér.
- Búðu til hvítlauksolíu úr lífrænni jómfrúar ólífuolíu því hún og hvítlaukur eru frábær í kroppinn og svo er mjög gott að bæta við steinselju í hvítlauksolíuna líka. Þá fer hollustan á hærra plan auk þess að það verður ekki alveg jafn mikil hvítlaukslykt af manni.
- Pizzan er góð þó henni sé ekki drekkt í osti.
- Magnið skiptir máli, ef þér finnst Pepperoni gott (eins og mér) þá skiptir máli hvort þú færð þér 1 sneið eða 6 á pizzuna. Ég tek oft 1 pepperoni og sker það niður í pínu litla bita og dreifi yfir pizzuna.
Svo er bara aðalmálið að fá sér FULLT FULLT FULLT af grænmeti með og þar með er þetta orðin alger hollustu máltíð 😉
Verði ykkur að góðu 🙂
Published by