Töfraefnið sem bjargaði lífi mínu í sumar…eða að minnsta kosti olnboganum ;)

Ég má til með að deila smá reynslusögu með ykkur.

Í byrjun sumars fór vinstri olnboginn eitthvað illa út úr vorverkunum í sveitinni. Á leiðinni heim var ég mjög aum en hugsaði með mér að þetta væru sennilega bara strengir. Dagarnir liðu, ég gat ekki notað hendina en var auðvitað eldsnögg að vinna allt með þeirri hægri án þess að gera neitt í mínum málum. Ég hugsaði með mér að þetta myndi örugglega lagast eftir nokkra daga.

Í lok sumars var ég orðin mjög slæm, mér var líka orðið illt í hægri öxlinni þar sem gömul meiðsli voru farin að taka sig upp út af auknu álagi á hægri hendina. Og til að bæta gráu ofan á svart var mér orðið illt í hnjánum í fyrsta skipti. Hef aldrei fundið fyrir neinu en allt í einu byrjaði að klikka í hnjánum þegar ég skokkaði. Kannski vegna lítillar hreyfingar yfir sumarið þar sem þetta olnboga/axla vesen hafði þau áhrif að ég var ekki eins dugleg og vanalega. Vegna sumarfría og almennra leti við að panta mér tíma hjá lækni (já ekki í fyrsta skipti sem það tekur nokkrar vikur) var ég ekki enn farin til læknis, en þið vitið, jú bara alltaf á leiðinni.

Ég upplifði mig semsagt frekar nær níræðu og á þeim tímapunkti vissi ég ekki alveg hvað ég ætti að segja við lækninn, sem varð til að draga enn frekar úr því að ég drifi mig að láta kíkja á þetta. En einn morgunin sá ég auglýsingu um Nutrilenk, auglýsingu sem ég hef örugglega flett fram hjá nokkrum sinnum í viku í mörg ár og aldrei fundist eiga við mig. Þannig að ég dreif mig út í næstu búð og ákvað að prófa, mér fannst ég ekki hafa neinu að tapa. Ég hugsaði með mér að þetta myndi örugglega hafa góð áhrif og ég yrði kannski ekki alveg jafn mikið gamalmenni þegar ég loksins kæmist til læknis.

Árangurinn var eins og lygasaga, eftir 2 vikur fann ég nánast ekkert til og eftir 3 vikur var ég farin að geta gert armbeyjur og planka (allavegna í smá stund). Þegar það voru liðnar nokkrar vikur gerði ég smá hlé en eftir nokkra daga fór ég að finna smá til aftur en það hvarf um leið og ég byrjaði aftur.

Núna eru liðnir 2 mánuðir og ég finn ekki fyrir neinu, hvorki olnboganum, öxlinni né hnjánum og er að springa úr hamingju yfir því að vera orðin svona ung aftur 😉

Ég hef ekki mikið verið að dásama einstaka vörur en ég bara varð að deila með ykkur þessari snilld 🙂

Þessi tvenna var á tilboði þegar ég keypti mína fyrstu krukku og fylgdi Nutrilenk active frítt með. Ég tók því báðar gerðirnar fyrstu vikurnar og mögulega hefur árangurinn verið enn betri fyrir vikið.