Árið 2012

Um mitt ár ákvað ég að byrja að blogga. Það byrjaði svo almennilega í september svo þetta eru búnir að vera uþb. 4 mánuðir. Upphaflega var hugmyndin sú að safna saman öllum þeim upplýsingum sem ég var búin að viða að mér varðandi börn og mat, hvernig matur getur haft áhrif á hegðun og líðan. Ég hef haft mikinn áhuga á því hversu mikil aukning hefur orðið á öllum þeim röskunum sem við sjáum í kringum okkur eins og ADHD, ADD, Einhverfu ofl. Ég hef lengi haft áhuga á hvernig mataræði getur haft áhrif og af hverju. En hingað til hafa bara uppskriftirnar ratað inn, það er eitthvað sem ég ætla að bæta úr á nýju ári. Fyrst var ég ekki viss um hvort einhver áhugi væri fyrir svona eintómum heilsuuppskriftum en að vera búin að fá næstum 1000 “like” á Facebook þykir mér algerlega ótrúlegt og virkilega hvetjandi.

Það er skemmtilegt að sjá hvaða uppskriftir hafa verið mest skoðaðar á árinu (Eða þ.e.a.s. á þessum 4 mánuðum) en það eru í flestum tilfellum nammi og köku uppskriftir. Það er heppilegt því þær þykja mér skemmtilegastar og einnig það sem ég leita oftast sjálf að á veraldrarvefnum.

1. Bounty-barinn – þessi er í algeru uppáhaldi á heimilinu og geri þetta nammi reglulega, alger sigurvegari 🙂

2. Súkkulaðihnetukaka – með súkkulaði bananakremi. – Á árinu féll ég endanlega fyrir hrákökugerð og vona að mér takist að smita einhverja með mér.

3. KarmelluRís – Þetta er náttúlega bara Nammi og ekkert annað 🙂

4. Súkkulaði Brownie (úr ávöxtum og grænmeti) – Alveg magnað að það skuli vera hægt að baka súkkulaðiköku úr ávöxtum og grænmeti. Kom skemmtilega á óvart.

5. Pecan súkkulaði hrákaka – Þessi kom frá Lifandi Markað og hún er alveg geggjuð. Klárlega ein af mínum uppáhalds.

6. Lang vinsælasta döðlukakan. Kemur frá Ebbu Guðný og er bara algerlega ein af þeim bestu sem ég hef smakkað.

7. Súkkulaðisæla með mangó og hindberjum – Enn ein hrákökudásemdin.

8. Hampnammi – þetta er mjög gott nammi og alger vítamín bomba og vonandi einhverjir sem hafa gert það miðað við hversu oft uppskriftin hefur verið skoðuð.

9. Einfalda pestóið – Eina uppskriftin sem er ekki nammi eða kaka á listanum. Einfalt og þægilegt og engin ástæða til þess að kaupa pestó lengur.

10. Ofur-súkkulaðið – Gleymdist nú heldur betur að taka almennilega mynd af því, er bara til þessi “in making”, bæti úr því á nýju ári. En þvílíkar gleðifréttir að dökkt hrátt súkkulaði skuli vera eitt það hollasta sem hægt er að borða. Þvílík hamingja 🙂