Hollara nammi – Auka námskeið – 9.desember

Vegna eftirspurnar verður eitt námskeið í viðbót !

Langar þig að læra að búa til næringarríkara sælgæti ? Fá fullt af hugmyndum af gotteríi sem nærir, hressir og bætir í stað þess að gera þig þreytta/an og slappan/n. Framundan er sá árstími þar sem sælgæti og súkkulaði flæðir út um allt og frábært að snúa vörn í sókn með næringarríkum sætindum.

Við gerum súkkulaði og útfærum það á ýmsa vegu, gerum ofur orkukúlur sem eru frábærar í hversdagsleikanum þegar okkur vantar smá orkubita og einnig fínasta konfekt og hráköku sem sómir sér á hvaða veisluborði sem er.

Við ætlum að ræða um það hvernig við getum gert baksturinn heilsusamlegri og skoða hvaða mismunandi sætu er hægt að nota í staðinn fyrir hvíta sykurinn. Við ætlum einnig að koma með margar hugmyndir hvernig hægt er halda blóðsykrinum í góðu lagi, og hvernig við getum við jafn hress og hraust 1.desember til 1.janúar. Það er engin ástæða til þess að bæta á sig 3 kílóum í desember

Mánudagur 9.desember kl. 18.00-20.30 – Lifandi Markaði, Borgartúni

Verð: 5500 kr

Innifalið er:

Uppskriftarhefti með rúmlega 40 mismunandi uppskriftum, grænn drykkur og fullt af gómsætu súkkulaðismakki.

Steinunn Aðalsteinsdóttir, heilsumarkþjálfi á Heilsuhótelinu hefur verið með mér á síðustu námskeiðum en að þessu sinni getur hún því miður ekki verið með, ég verð því bara að vera skemmtileg fyrir hennar hönd og sé um að deila fróðleiknum hennar þó hún sé fjarri.