Namminámskeið 2021

Jæja, tíminn flýgur og ég trúi því varla sjálf að það sé kominn nóvember strax. Það þýðir að namminámskeiðin taka völdin!

Ég hef verið með sama námskeiðið í gangi í nokkur ár, oft hugsað um að breyta en málið er bara að það námskeið finnst mér vera hið fullkomna nammi námskeið og það er ástæðan fyrir því að það er búið að ganga svona lengi. Þáttakendur læra að búa til æðislegar súkkulaði húðaðar konfektkúlur búnar til úr möndlumjöli og gráfíkjum eða trönuberjum, ilmandi karamellunammi þar sem við notum kókosmjólk, kókospálmasykur og hlynsýróp til að sæta og svo poppum við upp dökkt súkkulaði svo um munar. Hér má sjá afrakstur af einu slíku námskeiði í fyrra.

Aðeins eitt svona námskeið verður haldið í haust og það verður miðvikudaginn 24.nóvember kl. 18.00-20.00

En þar sem ég hef haldið þetta námskeið svo OFT langaði mig að búa til nýjar uppskriftir, einnig fyrir alla þá sem hafa þegar komið og langar að fá nýjar hugmyndir. Nýja námskeiðið verður haldið 16.nóvember (kl. 18.00-20.00) en hver veit nema ég bæti við annarri dagsetningu við í byrjun desember.

Á þessu námskeiði ætlum við að búa til nokkra geggjaða hluti sem sjást hér: Karamellurís, Dekur döðlur, Kókos kasjú trufflur og Snickers eða Lakkrís próteintrufflur. Ég held að það sé eitthvað fyrir alla til að njóta eftir þessa kvöldstund.

En þetta er ekki allt því síðasta vetur bjó ég til nýtt námskeið sem heitir “Næringarríkar tertur, eftirréttir og ís” og verður einnig bara eitt þannig námskeið 2.desember (sami tími 18.00-20.00)

Á þessu námskeiði ætlum við að búa til Tíramísú tertu (hægt að gera súkkulaði ef þú elskar ekki kaffi)
ÍS – val um að gera súkkulaði eða vanillu og Snickers bita.

En einnig fylgja með auka uppskriftir af fleiri tertum sem hægt er að gera síðar.

Hér er hægt að bóka pláss á námskeiðin en eins og sjá má er afsláttur ef bókuð eru fleiri en 1 námskeið 😉

https://heilsumamman.com/product-category/heilsumamman-is-namskeid/

Öll námskeiðin eru haldin í gegnum zoom. Nokkrum dögum fyrir námskeið færðu sendan innkaupalista, uppsrkriftir og undirbúningsplan þar sem kemur t.d. fram hvaða áhöld þú þarft að hafa tilbúin. Að morgni námskeiðisdags færðu sendan zoomlink til að smella á þegar komið er að námskeiðinu. Þetta hefur gengið alveg ótrúlega vel hingað til og þau sem hafa prófað að koma á námskeið og hinsvegar sækja rafrænt námskeið eru öll sammála því að þetta rafræna stendur upp úr. Það er bara svo þægilegt að geta verið heima í sínu eldhúsi á námskeiði. Þú þarft ekki að fara út í kuldann, redda barnapössun eða keyra langar vegalengdir. Á móti geturðu boðið fjölskyldunni að taka þátt með þér og átt svo allt gotteríið sjálf/ur þegar námskeiðinu lýkur.

Að lokum má nefna það að allt sem við búum til er glúteinlaust, mjólkurlaust og hentar þeim sem eru vegan. Alltaf er hægt að nota eitthvað annað en hnetur í uppskriftir ef þú vilt búa til hnetulaust nammi. Við notum mest döðlur til að sæta en í einstaka tilfellum hlynsýróp eða kókospálmasykur. Eini hvíti sykurinn gæti mögulega leynst í dökka súkkulaðinu.

Ég minni á að mörg stéttafélög greiða allt að 50 % tilbaka af námskeiðisgjaldinu.

Öll námskeiðin verða tekin upp og því hægt að horfa síðar á upptökuna ef tíminn hentar þér ekki. Til þess að fá afrit af upptöku þarf að senda beiðni um það á heilsumamman@gmail.com

Hlakka til að sjá þig 🙂

Gott start – nú í þrjár vikur

Í mars og maí sló 7 daga námskeiðið í gegn. Það sem það heppnaðist vel og var gaman. Núna er komið að næsta námskeiði en ég er búin að breyta námskeiðinu aðeins. Í stað þess að taka svona maraþon viku á 7 dögum ætlum við að vera saman í 3 vikur og elda litríkan, næringarríkan og bragðgóðan mat. Þetta er ekki hreinsun eða detox, bara alvöru matur og fullt af grænmeti og annarri gleði.

Þetta er ekki hugsað sem einhver skammtímalausn eða “quick-fix” þó námskeiðið væri bara í viku heldur eins og nafnið gefur til kynna er það hugsað sem gott start til að halda áfram. En með því að vera saman í hóp og prófa fullt af nýjum uppskriftum komum við okkur vel af stað með nýjum hugmyndum og nýjum venjum. En það að taka 6 sýnikennslur á einni viku var svolítið mikið, auðvitað frábært að eiga alltaf nægan mat í ísskápnum en ég er mjög spennt að sjá hvernig það mun koma út að vera saman í 3 vikur.

Það verða ekki alveg sömu uppskriftir og í maí, þá vorum við að sigla inn í sumarið með léttari og einfaldari matargerð en nú í haust verður áherslan á góðan haust mat, súpur, pottréttir og fleira gott.

Það sem við ætlum að gera í þessar 3 vikur:

Við ætlum að einbeita okkur að því að borða næringarríkan litríkan mat sem gefur okkur orku og hjálpar okkur að halda blóðsykrinum rólegum. Vonandi muntu fá fullt af nýjum hugmyndum, prófa nýjar uppskriftir og fá hugmyndir hvernig þú getur skipulegt þig betur í eldhúsinu til að spara tíma. Við ætlum að einbeita okkur að mat sem er glúteinlaus, mjólkurlaus og sykurlaus. Það sem er á matseðlunum er t.d. fiskur, kjúklingur og lambakjöt. En einnig ætlum við að prófa linsubaunir, kínóa og fleira spennandi. Ef þú ert grænmetisæta eða vegan er minnsta mál að sleppa kjöti og fiski og nota í staðinn baunir eða annað prótein úr jurtaríkinu.

Við ætlum líka að einbeita okkur að því að drekka mikið vatn og jurtate. Eins og áður sagði snýst þetta námskeið mest um að bæta inn góðum hlutum en ekki einblína á það sem við ætlum ekki að borða.

Hvernig ætlum við að gera þetta ?

Allt námskeiðið fer fram á lokuðu Facebook svæði sem þið fáið aðgang að nokkrum dögum áður og 3 dögum áður við hefjumst handa mun ég halda smá fyrirlestur sem þið getið hlustað á þegar ykkur hentar. Þar förum við enn betur yfir hvað við ætlum að gera þessa 7 daga en einnig: Hvernig við getum sigrað sykurpúkann? Hvað er hollt ? Munur á grunnnæringu og annari fæðu ? Jafnvægi og heilbrigt samband við mat! og margt fleira. Þið fáið svo sendann innkaupalista og uppskriftahefti til að geta verslað inn og skipulagt ykkur. Tvisvar til þrisvar í viku er live útsending í lokaða FB hópnum og við möllum saman. Á sunnudeginum fyrir fyrstu vikuna verður “prepp” dagur þar sem við vinnum okkur aðeins í haginn fyrir vikuna. En hinar útsendingarnar eru til skiptis kvöldmatur, morgunverður og nasl ásamt smá laugardagsnammi. Þú getur horft á útsendinguna á rauntíma eða seinna um daginn þegar það hentar þér betur.

Upphafsfyrirlestur verður aðgengilegur frá og með 16. september, preppdagurinn okkar verður sunnudaginn 19. september og svo byrjum við mánudaginn 20 .sept til og með sunnudagsins 10. október.

Ef þessi tími hentar ekki nógu vel en mig langar mikið að vera með ?

Ef þú nærð ekki að fylgjast með öllum “kennslustundunum” getur þú gert það síðar þar sem öll myndböndin eru aðgengileg í mánuð eftir að námskeiði lýkur.

Hvað kostar og hvað er innifalið ?
– Uppskriftahefti með 65 uppskriftum
– Innkaupalisti
– Rafbókin „Súpur, pottréttir og fleira góðgæti“ (Glæný bók sem kemur út á næstu tveim vikum)
– Lokaður Facebook hópur þar sem þú færð stuðning og getur spurt spurninga.Tölvuóstur á hverjum morgni þessa viku með fróðleik fyrir daginn.
– 7 matreiðslunámskeið sem dreifast yfir 3 vikur (30-60 mín hvert skipti) en preppdagurinn mun þó taka 1,5-2 klst Aðgangur að námskeiðinu

– Að þessu sinni fylgir líka aðgangur að nammi námskeiði (mismunandi dagsetningar í nóvember – verða kynntar síðar)
– Rafrænn fyrirlestur í lok og upphaf námskeiðis.

Námskeiðið kostar 17.800 kr.

Athugið að mörg stéttarfélög endurgreiða helming af námskeiðisgjaldinu.

Hvernig skrái ég mig?

Hérna er linkur á námskeiðið í vefverslun: https://heilsumamman.com/product/gott-start-brot-af-thvi-besta-a-3-vikum/

Fyrir ykkur sem viljið vita meira getið þið haldið áfram að lesa um það hvernig gekk hjá mars og maí- hópnum 🙂

58 % sögðu að námskeiðið hefði staðist væntingar en 36 % að það hefði farið fram úr væntingum. Þetta eru tölur sem mér þykir ekkert smá vænt um 🙂 (6 % mismunurinn sem er er vegna þeirra sem áttu ennþá eftir að fara í gegnum efnum)

100 % sögðust finna fyrir betri líðan á þessum tíma (við erum bara að tala um 7 daga) og hér ætla ég að láta nokkrar umsagnir um líðan þáttakenda fljóta með:

“Sef betur, húðin er mýkri og lundin léttari. Svo gott að finna hvað maturinn nærir mann vel og vatnsdrykkjan skilar sér í bættri meltingu.”

 Td. Bólga úr liðum horfin, mögulega bætt svefngæði og minni höfuðverkur.

“Meiri orka, minni nartþörf”

“Það sem kom mér skemmtilega á óvart var að mér fannst maturinn bragðgóður og einfaldur”

” Engin bjúgur, betri svefn, litið bakflæði, minni liðverkir, engin skyndiþreyta á daginn, engir magaverkir”

“Eftir vikuna hurfu verkir og stirðleiki og sykur þörfin hvarf á fyrsta degi. Orkan margfaldaðist eftir nokkra daga og bjúgurinn hvarf. Svefn varð betri, eiginlega fullkominn”

“Bætt melting”

” Ég er orkumeiri, ekki eins uppþemd og er í miklu betra jafnvægi.”

“Minna þrútin. Meiri orka.”

“mikið betri melting”

” Léttari á mér og á auðveldara með að vakna á morgnana. Hef losnað við bólgur og bjúg.”

“Ég var minna þrútin og bólgin – gekk ótrúlega vel að komast af án mjólkurvara (langaði reyndar stundum í ost) og með bara 2 kaffibolla á dag. Fann ekki fyrir því að vera sykurlaus – upplifði enga löngun í sætt.”

“Ég hafði meira orku, var ánægð með að hafa eldað og borðað vel og upplifði minna cravings”

“Svaf betur, leið betur á allan hátt, bæði líkamlega og andlega. Minni verkir, melting góð og skap betra. Fann ekki fyrir nammi þörf sem kom á óvart. Mjög góður matur og fannst þetta skemmtilegt. Hafði meiri orku og var jákvæðari.”

“Skemmtilegar, litríkar og fjölbreyttar uppskriftir! Engar ýkjur, sem mér finnst mjög jákvætt 🙂 “

” Mér fannst frábært hvað uppskriftirnar hentuðu allri fjölskyldunni.”

“Ég var mjög ánægð, takk innilega!!”

“Bara á allan hátt frábært. Mun mæla með við aðra :)”

Ég hlakka sjálf mikið til að fara aftur í gegnum námskeiðið með næsta hóp enda fullt af nýjum og spennandi uppskriftum og íslenska grænmetis uppskeran í fullum gangi.

Hér er hægt að bóka sæti á námskeiðið: https://heilsumamman.com/product/gott-start-brot-af-thvi-besta-a-3-vikum/

Kveðja,

Oddrún

Nýtt 7 daga námskeið

Það er komið að því að endurtaka leikinn frá því í mars og taka saman 7 daga þar sem við brettum upp ermarnar og eldum litríkan, næringarríkan og bragðgóðan mat í heila viku. Þetta er ekki hreinsun eða detox, bara alvöru matur og fullt af grænmeti og annarri gleði.

Þetta er ekki hugsað sem einhver skammtímalausn eða “quick-fix” þó námskeiðið sé bara í viku heldur eins og nafnið gefur til kynna er það hugsað sem gott start til að halda áfram. En með því að vera saman í hóp og prófa fullt af nýjum uppskriftum komum við okkur vel af stað með nýjum hugmyndum og nýjum venjum.

Þetta námskeið var haldið í fyrsta skipti í mars. Ég hef gert nokkrar örlitlar breytingar til að betrumbæta en í grunninn er námskeiðið það sama. Það verða nokkrar nýjar sumarlegar uppskriftir þar sem við erum að sigla inn í sumarið með léttari og einfaldari matargerð.

Það sem við ætlum að gera þessa 7 daga:

Við ætlum að einbeita okkur að því að borða næringarríkan litríkan mat sem gefur okkur orku og hjálpar okkur að halda blóðsykrinum rólegum. Vonandi muntu fá fullt af nýjum hugmyndum, prófa nýjar uppskriftir og fá hugmyndir hvernig þú getur skipulegt þig betur í eldhúsinu til að spara tíma. Við ætlum að einbeita okkur að mat sem er glúteinlaus, mjólkurlaus og sykurlaus. Það sem er á matseðlunum er t.d. fiskur, kjúklingur og lambakjöt. En einnig ætlum við að prófa linsubaunir, kínóa og fleira spennandi. Ef þú ert grænmetisæta eða vegan er minnsta mál að sleppa kjöti og fiski og nota í staðinn baunir eða annað prótein úr jurtaríkinu.

Við ætlum líka að einbeita okkur að því að drekka mikið vatn og jurtate og sleppa ávanabindandi drykkjum eins og orkudrykkjum og áfengi. Ég ætla ekki að biðja ykkur um að hætta drekka kaffi en hvet ykkur til þess að drekka max 2 kaffibolla og ekki eftir kl. 13.00 þessa vikuna.

Hvernig ætlum við að gera þetta ?

Allt námskeiðið fer fram á lokuðu Facebook svæði sem þið fáið aðgang að nokkrum dögum áður og 3 dögum áður við hefjumst handa mun ég halda smá fyrirlestur sem þið getið hlustað á þegar ykkur hentar. Þar förum við enn betur yfir hvað við ætlum að gera þessa 7 daga en einnig: Hvernig við getum sigrað sykurpúkann? Hvað er hollt ? Munur á grunnnæringu og annari fæðu ? Jafnvægi og heilbrigt samband við mat! og margt fleira. Þið fáið svo sendann innkaupalista og uppskriftahefti til að geta verslað inn og skipulagt ykkur. Á hverjum degi er live útsending í lokaða FB hópnum og við möllum saman. Við byrjum á sunnudeginum með smá “prepp” dag þar sem við vinnum okkur aðeins í haginn fyrir vikuna. En hinar útsendingarnar eru til skiptis kvöldmatur, morgunverður og nasl ásamt smá laugardagsnammi. Þú getur horft á útsendinguna á rauntíma eða seinna um daginn þegar það hentar þér betur.

Upphafsfyrirlestur verður aðgengilegur frá og með 27.maí, preppdagurinn verður 30.maí og svo byrjum við mánudaginn 31.maí til og með sunnudagsins 6.júní.

Ef þessi vika hentar alls ekki en mig langar mikið að vera með ?

Ef þú nærð ekki að fylgjast með öllum “kennslustundunum” getur þú gert það síðar þar sem öll myndböndin eru aðgengileg í 3-4 vikur eftir að námskeiði lýkur. Þú getur jafnvel byrjar viku síðar og tekið þá viku.

Hvað kostar og hvað er innifalið ?


Uppskriftahefti með 45 uppskriftum
Innkaupalisti
Rafbókin Sumarlegar uppskriftir (kostar 2500 kr í vefverslun)
Lokaður Facebook hópur þar sem þú færð stuðning og getur spurt spurninga.

Tölvuóstur á hverjum morgni þessa viku með fróðleik fyrir daginn.
6 matreiðslunámskeið sem dreifast yfir vikuna. (30-60 mín hvert skipti) en preppdagurinn mun þó taka 1,5-2 klst

Aðgangur að námskeiðinu “sumarleg sætindi” sem haldið verður á zoom 9.júní (kostar 4900 kr)
Rafrænn fyrirlestur í lok og upphaf námskeiðis.

Námskeiðið kostar 15.800 kr

Athugið að mörg stéttarfélög endurgreiða helming af námskeiðisgjaldinu.

Hvernig skrái ég mig?

Hérna er linkur á námskeiðið í vefverslun: https://heilsumamman.com/product/gott-start-brot-af-thvi-besta-i-7-daga/

Fyrir ykkur sem viljið vita meira getið þið haldið áfram að lesa um það hvernig gekk hjá mars- hópnum 🙂

Það var frábært hvað gekk vel hjá hópnum í mars. Ég gerði smá könnun í lok námskeiðis og ætla að deila með ykkur niðurstöðunum.

58 % sögðu að námskeiðið hefði staðist væntingar en 36 % að það hefði farið fram úr væntingum. Þetta eru tölur sem mér þykir ekkert smá vænt um 🙂 (6 % mismunurinn sem er er vegna þeirra sem áttu ennþá eftir að fara í gegnum efnum)

100 % sögðust finna fyrir betri líðan á þessum tíma (við erum bara að tala um 7 daga) og hér ætla ég að láta nokkrar umsagnir um líðan þáttakenda fljóta með:

” Engin bjúgur, betri svefn, litið bakflæði, minni liðverkir, engin skyndiþreyta á daginn, engir magaverkir”

“Eftir vikuna hurfu verkir og stirðleiki og sykur þörfin hvarf á fyrsta degi. Orkan margfaldaðist eftir nokkra daga og bjúgurinn hvarf. Svefn varð betri, eiginlega fullkominn”

“Bætt melting”

” Ég er orkumeiri, ekki eins uppþemd og er í miklu betra jafnvægi.”

“Minna þrútin. Meiri orka.”

“mikið betri melting”

” Léttari á mér og á auðveldara með að vakna á morgnana. Hef losnað við bólgur og bjúg.”

“Ég var minna þrútin og bólgin – gekk ótrúlega vel að komast af án mjólkurvara (langaði reyndar stundum í ost) og með bara 2 kaffibolla á dag. Fann ekki fyrir því að vera sykurlaus – upplifði enga löngun í sætt.”

“Ég hafði meira orku, var ánægð með að hafa eldað og borðað vel og upplifði minna cravings”

“Svaf betur, leið betur á allan hátt, bæði líkamlega og andlega. Minni verkir, melting góð og skap betra. Fann ekki fyrir nammi þörf sem kom á óvart. Mjög góður matur og fannst þetta skemmtilegt. Hafði meiri orku og var jákvæðari.”

“Skemmtilegar, litríkar og fjölbreyttar uppskriftir! Engar ýkjur, sem mér finnst mjög jákvætt 🙂 “

” Mér fannst frábært hvað uppskriftirnar hentuðu allri fjölskyldunni.”

“Ég var mjög ánægð, takk innilega!!”

“Bara á allan hátt frábært. Mun mæla með við aðra :)”

Ég hlakka sjálf mikið til að fara aftur í gegnum námskeiðið með næsta hóp enda fullt af nýjum sumarlegum uppskriftum : )

Hér er hægt að bóka sæti á námskeiðið: https://heilsumamman.com/product/gott-start-brot-af-thvi-besta-i-7-daga-2/

Kveðja,

Oddrún

Nýtt og spennandi námskeið til að koma sér í gírinn

Lengi hefur mig langað til þess að gera eitthvað meira en að hafa bara námskeið sem er ein kvöldstund. Á þeim 8 árum síðan ég kláraði heilsumarkþjálfanámið mitt og hef haldið sennilega um það bil 250- 300 matreiðslunámskeið hefur safnast upp mikið af reynslu, uppskriftum og þekkingu sem mig hefur langað til að deila til þess að hjálpa fleirum að næra sig og sína vel.

Og loksins er komið að þessu, vikuna 15. – 21. mars er vikan þar sem við ætlum að sigra sykurpúkann saman og stútfylla kroppinn af allskonar næringu. Þetta er ekki hreinsun eða detox, bara alvöru matur og fullt af grænmeti og annarri gleði.

Það sem við ætlum að gera þessa 7 daga:

Við ætlum að einbeita okkur að því að borða næringarríkan litríkan mat sem gefur okkur orku og hjálpar okkur að halda blóðsykrinum rólegum. Vonandi muntu fá fullt af nýjum hugmyndum, prófa nýjar uppskriftir og fá hugmyndir hvernig þú getur skipulegt þig betur í eldhúsinu til að spara tíma. Við ætlum að einbeita okkur að mat sem er glúteinlaus, mjólkurlaus og sykurlaus. Það sem er á matseðlunum er t.d. fiskur, kjúklingur og lambakjöt. En einnig ætlum við að prófa linsubaunir, hirsi og fleira spennandi. Ef þú ert grænmetisæta eða vegan er minnsta mál að sleppa kjöti og fiski og nota í staðinn baunir eða annað prótein úr jurtaríkinu.

Við ætlum líka að einbeita okkur að því að drekka mikið vatn og jurtate og sleppa ávanabindandi drykkjum eins og orkudrykkjum og áfengi. Ég ætla ekki að biðja ykkur um að hætta drekka kaffi en hvet ykkur til þess að drekka max 2 kaffibolla og ekki eftir kl. 13.00 þessa vikuna.

Hvernig ætlum við að gera þetta ?

Allt námskeiðið fer fram á lokuðu Facebook svæði sem þið fáið aðgang að á fimmtudaginn næsta. Á fimmtudaginn, 4 dögum áður við hefjumst handa mun ég halda smá fyrirlestur sem þið getið hlustað á þegar ykkur hentar. Þar förum við enn betur yfir hvað við ætlum að gera þessa 7 daga en einnig: Hvernig við getum sigrað sykurpúkann? Hvað er hollt ? Hvaða mataræði er best ? Munur á grunnnæringu og annari fæðu ? Jafnvægi og heilbrigt samband við mat! Hvað græðum við á því að borða næringarríkan mat? og margt fleira. Þið fáið svo sendann innkaupalista og uppskriftahefti á fimmtudaginn til að geta verslað inn og skipulagt ykkur. Á hverjum degi er live útsending í lokaða FB hópnum og við möllum saman. Þetta er til skiptis kvöldmatur, morgunverður og nasl og um helgina búum við til geggjaða Tíramísú “ís” tertu ásamt smá laugardagsnammi. Þú getur horft á útsendinguna á rauntíma eða seinna um daginn þegar það hentar þér betur.

Ef þessi vika hentar alls ekki en mig langar mikið að vera með ?

Ef þú nærð ekki að fylgjast með öllum “kennslustundunum” getur þú gert það síðar þar sem öll myndböndin eru aðgengileg í 3 vikur eftir að námskeiði lýkur. Þú getur jafnvel byrjar viku síðar og tekið þá viku.

Hvað kostar og hvað er innifalið ?


Uppskriftahefti með að minnsta kosti 30 uppskriftum
Innkaupalisti
Rafbókin Sumarlegar uppskriftir (kostar 2500 kr í vefverslun)
Lokaður Facebook hópur þar sem þú færð stuðning og getur spurt spurninga.
6 matreiðslunámskeið sem dreifast yfir vikuna. Um það bil 1 klst hvert skipti.

Aðgangur að nammi námskeiði sem haldið er 24.mars (kostar 4900 kr)
Rafrænn fyrirlestur í lok og upphaf námskeiðis.

Námskeiðið kostar 11.800 kr – það er með 25 % kynningarafslætti þar sem þetta er fyrsta námskeiðið af þessari tegund.

En athugið að mörg stéttarfélög endurgreiða helming af námskeiðisgjaldinu.

Hvernig skrái ég mig?

Hérna er linkur á námskeiðið í vefverslun: https://heilsumamman.com/product/gott-start-brot-af-thvi-besta-i-7-daga/

Hér er smá sýnishorn af þeim mat sem við ætlum að búa til og njóta í vikunni:

Kanil latte

Mig langar að deila með ykkur einni uppáhalds uppskrift. Ég hef reglulega búið mér til svona drykki síðustu 2-3 árin. Þegar ég hef tekið kaffilaus tímabil kemur þessi drykkur sterkur inn. Kanil latte er fjarskyld frænka kaffisins og kemur óvart hvað það leysir kaffið vel af. Ég tók 12 kaffilausa daga og það kom skemmtilega á óvart hvað ég svaf betur og annað sem ég fann var að mér fannst ég skýrari í hausnum. En ég drekk nú ekki mikið kaffi, 2 bolla á dag og mest 3 ef þannig stendur á. Þetta kom mér á óvart ef ég á að vera alveg hreinskilin. Ég fékk mér svo kaffi um helgina, sitthvorn bollan á laugardag og sunnudag en svo tók kanil latte drykkurinn við virku dagana. Spurning hversu lengi ég get haldið þessu ? Kaffið er jú mjög ávanabindandi og auðvelt að “falla” aftur 😉

En hvort sem þið viljið taka kaffi pásu eða drekka minna kaffi eða kannski drekkið þið bara ekki kaffi yfirhöfuð þá er þessi drykkur algert æði 🙂

Innihald:

Te – gott te ég nota oft sweet chai eða Classic frá Yogi tea – látið standa í 7 mín

1 msk collagen (val)

1 tsk möndlusmjör

1 tsk kakósmjör

1/2 tsk kanill Ceylon

1/4 tsk negull en líka gott að nota Allra handa ef þið eigið það til

Örlítið cayenne pipar og salt (aðeins til að kveikja í manni á morgnana)

Aðferð:

Þegar teið hefur staðið í 7-8 mínútur setjið þið allt í blandarann og blandið vel í 30-40 sek.

Hellið í fallegan bolla (nauðsynlegt) og njótið

Nokkur atriði um innihaldsefnin:

Kanill og negull hafa heilmikil góð áhrif á kroppinn en passið það nota Ceylon kanil en ekki þennan venjulega. Þessi venjulegi er ekki góður í miklu magni og hægt að lesa um það hér!

Kanill hefur líka góð áhrif á sykurlöngun og því sniðugt að fá sér drykkinn seinnipartinn ef sykurlöngin kemur yfir ykkur.

Kakósmjörinu bætti ég við eftir að ég lærði það hjá Ásdísi grasalækni hversu góð fitan í kakósmjörinu er fyrir hormónakerfið og það er jú eitthvað sem við viljum hafa í lagi 🙂

Cayenne piparinn er í uppskriftinni þar sem hann gefur drykknum ákveðið “kick” en Cayenne pipar er talin hafa góð áhrif á meltinguna og getur aukið brennsluna.

Collagen hefur góð áhrif á bein, stoðkerfi, neglur, hár, meltingu og fleira. Collagen er prótein svo með því að bæta því við drykkinn er hann orðin próteinríkur.

NÆSTU NÁMSKEIÐ

Jæja, þá er komið nýtt ár, nýtt tímabil og ný tækifæri og síðast en ekki síst ný námskeið.

Nú er komið nýtt fyrirkomulag hér á síðunni varðandi námskeiðin en það er gengið frá skráningu á námskeiðið með því að versla námskeið í vefverslun. Nú þarf ekki lengur að millifæra heldur er hægt að greiða bæði með debet og kreditkortum. Nú er líka hægt að kaupa gjafakort ef ykkur vantar skemmtilega gjöf handa vini eða vinkonu 🙂

Það eru komnar 2 dagsetningar af nammi námskeiðum og 2 dagsetningar fyrir morgunmat og millimála námskeið sem er að mínu mati hálfgert namminámskeið því það er svo júffengt. Það er einstaklega krakkavænt og því kjörið að eiga skemmtilega stund saman í eldhúsinu með börnum, barnabörnum eða frænkum og frændum. Kosturinn við rafrænu námskeiðin er klárlega það að ekki þarf að greiða aukalega þó börn eða maki sé með á námskeiðinu.

Einnig er í skipulagningu skemmtilegt 7 daga námskeið sem ég er mjög spennt að segja ykkur frá. Það má segja að við tökum brot af því besta af öllum námskeiðum fyrr og síðar og dreifum því niður á 7 daga. Það er gott að ætla sér 30-60 mín í eldhúsinu á dag þá vikuna. Þetta er ekki hreinsun, detox eða vika sem mun breyta lífi ykkar…heldur aðeins virkilega gott start til að koma sér í gang og bæta inn góðum venjum og nokkrum góðum uppskriftum í rútínuna. Dagsetningar fyrir þetta námskeið munu koma í ljós mjög fljótlega 🙂

Til að bóka námskeið farið þið yfir í vefverslun eða smellið hér